Proverbs 15:32 - Bible Ni Thothup

³² Fa’an ga ra siyeg ni ngam fil ban’en ma gur e ga be gafgow nagem. Ma fa’anra m’ag u wun’um e fanow ni yibe tay ngom mra ga’ e gonop rom.

Proverbs 15:32 Referans Kwoze

Revelation 3:19

Gu ma puwan’ ma gu ma gechignag urngin e pi’in yad ba t’uf rog. Ere mu tiyan’um ngam pi’ keruum ko denen ni ga be rin’.

Proverbs 1:7

Ra nge tamilangan’um, ma som’on e thangri yib madgun SOMOL u lanin’um. Girdi’ ni balyang e dariy fan e gonop u wun’rad, ma daburad ni ngar folgad ko fonow.

Isaiah 1:5

Mangfan ni kayugu mpired ni gimed be togopluw? Mogned, gimed ba’adag ni ngan gelnag e gechig ngomed? Israel, lolugmed e ke polo’ i maad’ad, ma lan gum’ircha’med nge lanin’med e ke m’ar.

Proverbs 18:15

Girdi’ nib llowan’ e gubin ngiyal’ ni yad be nameg ni ngar filed ban’en.

James 1:22

Dab mbanniged gimed ni kemus ni ngu’um motoyilgad ko thin rok; ya ngam maruwelgad ngay.

Jeremiah 5:3

Ba muduwgil nra changarnag SOMOL e yul’yul’. Be toymed, machane damur motoyilgad; ke masengseng nagmed, machane dabmed ni ngam folgad. Gimed ba gelan’ ndamur paged e kireb romed.

Proverbs 29:1

Fa’anra urngin ngiyal’ nra un fanow nagem ma ga be gelnag lanin’um, mra yan i reb e rran ma bay mu parde’ u but’ ni dabkum gol.

Proverbs 17:16

Dariy gam’ingin ngak be’ nib balyang ni nge n’ag e salpiy ko sukul, ya dariy e nangan’ rok.

Proverbs 15:21

Girdi’ nib pinat e yad ma felfelan’ u fithik’ e pi balyang rorad, machane pi’in gonop e ra rin’ e n’en nib manigil.

Proverbs 15:14

Girdi’ nib llowan’ e ba’adag ni nge fil ban’en, machane pi’in pinat e yugub fel’ u wan’rad ni dar nanged ban’en.

Psalms 50:17

Ka mu siyeged e fonow rog; ka mu n’iged e tin kug ta’chiylen.

Deuteronomy 21:20

Nge lungurow ngorad, ‘Re pagel ni fakmow ney e ba gelan’ mab tatogopluw, ma dar ma fol romow; ba ta adbey e salpiy mab tachingaw’.’

Deuteronomy 21:18

“Fa’anra bay be’ ni pumo’on ni bay ba pagel ni fak nib gelan’ ma ba tatogopluw, ma der ma fol ko gal labthir rok, ni dariy fan ni yow ma gechignag.

Hebrews 12:15

Mu ayuwgad nge dabi pi’ bigimed keru’ ko runguy rok Got ngodad. Mu ayuwgad nge dabi bod bigimed ba ke pan nib mo’oy ni ilal nge gafgownag bo’or e girdi’ ko yub rok.

Proverbs 13:18

Be’ ni der ma mit ban’en ngak e ra gafgow me par nib m’ayfan, machane en nra fol ko fonow e yira tayfan.

Proverbs 15:5

Rib balyang ni ngam pi keru’um ko fonow nike tay e gallabthir rom ngom; rib manigil ni ngar yal’uwegem ma ga fol.

Proverbs 15:31

Fa’an ga ra l’egilim ko ngiyal ni yibe yal’uwegnem ma ga ba gonop.

Proverbs 15:33

Madgun SOMOL e ba sukul. Thingar mu sobut’ nigem u m’on ni ngan tolang nagem.

Eklesiastes 7:5

Kabfel’ ni ngi i puwan’ e pi’in nib gonop ngom ko bin ngi i tang nagem e girdi’ ni manan’ ni yad be yog e sorok ngom.

Isaiah 3:9

Changar ni fanenikan u owcharad e ke dag e kireb rorad. Denen ni yad be tay e ba gagyal ni bod ni i rin’ e girdi’ nu Sodom. Kar riya’gad, ni yad e kar girngiyed e riya’ nga dakenrad.

Proverbs 10:17

Girdi’ nma motoyil ko fonow ni nge yal’uwegrad e yad ra fos, machane pi’in yad ra almit ni de kireb e rorad e yad bay u thatharen e riya’.

Proverbs 19:20

Fa’anra um motoyil ko fanow me fel’ u wan’um e tin ga be fil, mra reb e rran ma ga ra gonop.