Proverbs 15:28 - Bible Ni Thothup

²⁸ Pi’in manigil e yad ma leam u m’on mfin ra pi’ed e fulweg u ban’en. Ma pi’in kireb e rib gur e fulweg rorad, machane ma k’aring e oloboch.

Proverbs 15:28 Referans Kwoze

1 Peter 3:15

Machane ngam liyorgad ngak Kristus u lanin’med, mi gimed tay ni ir e Somol romed. Mu fal’eged rogomed ni gubin ngiyal’ ni ngam pi’ed e fulweg ko n’en nra fith be’ ngomed ni ngam weliyed u murung’agen e ren’en ni ir e ke l’agan’med ngay.

Proverbs 29:11

Girdi’ nib manan’ e der ma mithag e damumuw rok, ma girdi’ nib sul lanyan’ ngak e yad ma kadan’ ngar pired nga daken e damumuw rorad.

Eklesiastes 5:2

Mu leam u m’on ni ngam welthin ma dab mu gur ngam micheg ban’en ngak Got. Ya Ir e bay u tharmiy me gur e ga bay u fayleng, go’ tin bt’uf e ngamog.

Proverbs 15:2

Ra non e girdi’ nib gonop, me m’ug feni fel’ e llowan’, machane pi’in balyang e ma yib e thin ni dariy fan u l’ugunrad.

Matthew 12:34

Gimed e pi porchoyog nir — ra di’in mi gimed yog e tin ni bfel’ ban’en ni fa’anra gimed ba kireb? Ya l’uguney e ma weliy e n’en nike sugnag lanin’uy.

Eklesiastes 5:6

Dabi mang thin rom e nge waliyem ngam denen, ma ga yan mog ko prist rok Got ni gathi lanin’um ni ngamog. Mangfan ni ngam k’aring Got nge damumuw ngom? Mangfan ni ngam k’aring nge gathey e tin ka mu muruwliy?

Proverbs 29:20

Be’ nib balyang ma kub manan’ e kabfel’ rogon boch ngak be’ nma non ni der leam.

Proverbs 16:23

Gumircha’ rok be’ nib tamilangan’ e ma pow’iy u m’on ko mang e nge yog, ma dap’ilugun e ma manging’nag.

Proverbs 13:16

Girdi’ nib sul lanyan’ ngak e ma tafnay nge mu’ mfini ngongol, ma girdi’ ni pinat e yad ma dag farad balyang.

Proverbs 10:19

Feni yo’or e welthin ni ga be tay, ma aram fini mom ni ngam denen. Ma fa’anra ga ba gonop, ma ga ra th’ab gulngam.

2 Peter 2:18

Yad ma yog e thin ni ufanthin nge thin ko balyang, ma yad be maruwel nga ngongolen e darngal ni be ar’arnag e dowef rorad ni fan e nge aw ko wup rorad e pi’in ka fini chuw u fithik’ e girdi’ nike oloboch.

Psalms 59:7

Mu telim ko yaba’ ni yad be tay nge thin ni yargal. Balowtharad e bod e saydon u lan l’ugunrad, ma yad be leamnag ni dariy be’ ni be rung’ag lungrad.

Proverbs 10:32

Girdi’ ni mat’aw e yad manang ko mang e ngroged ni bfel’, ma pi’in kireb e urngin ngiyal’ ma welthin rorad e ma amithnag lanin’uy.