Proverbs 15:19 - Bible Ni Thothup

¹⁹ Fa’anra ga ba gamead, mra um mada’nag e momaw’ u gubin yang, machane fa’anra ga ba yul’yul’ ma dab mu oloboch.

Proverbs 15:19 Referans Kwoze

Isaiah 35:8

Bayi sum ba pa’ i kanawo’ ni ba ga’ riy, ni fithingan ni bay u nog e “Kanawo’en e Thothup.” Dariy ba tadenen nra yan u daken e re kanawo’ nem; girdi’ ni be yan u daken e re kanawo’ nem e dakuriy be’ nib balyang nra waliyrad ko kireb.

Isaiah 30:21

Fa’an gimed rayan nga wuru’ e wo’ ko ba’ ni mat’aw ara ba’ ni gilay’, ma gimed ra rung’ag lungun nga fiti keru’med ni be ga’ar, “Ba’aray e wo’. Mu leked.”

Proverbs 22:5

Fa’anra ba t’uf rom e pogofan rom, ma ngam par u orel ko pi wup ni bay u kanawo’ ni girdi’ ni kireb e ma aw ngay.

Proverbs 26:13

Mangfan ni girdi’ ni gamead e da rir oggad u naun rorad nga wean? Mang e yad be tamdag ngay? Pi layon?

Proverbs 22:13

Girdi’ nib gamead e ma par u tabnaw; miyad yog ni yad ra yan nga wean me og e layon ngorad.

Proverbs 8:9

Pi’in nib tamilangan’rad e btamilang gubin ban’en u wan’rad; en ni manang e pin’ey e bgagiyel ni be guy.

Psalms 27:11

SOMOL, mu fil ngog e n’en ni ga ba’adag ni nggu rin’, mu pow’iyeg u bpa’ i kanawo’ ndariy ban’en nra buch rog riy, ya bo’or e to’ogor rog.

Proverbs 3:6

Ngu’um leamnag SOMOL u fithik’ urngin ban’en ni ga be rin’, me dag ngom e bin mat’aw e kanawo’.

Psalms 25:12

Pi’in yad ma fol rok SOMOL e yad ra fil rok e re wo’ ni ngranod riy.

Psalms 5:8

SOMOL, ba yo’or e pi to’ogor rog mu pow’iyeg ko n’en ni ga be finey; ma ga gagyalnag ngog e kanawo’ rom ni nggu lek.

Isaiah 57:14

I SOMOL e ga’ar, “Ngan pag e girdi’ rog nge sul ngog. Ngan chuweg urngin e tin be dubchey u kanawo’ rorad! Ngan fal’eg e kanawo’ ngan felfal’eg rogon nge par!

Proverbs 15:18

Damumuw nib gel’ e ma k’aring e tugthin, machane gumaen’ e ma pi’ e gapas.

Proverbs 15:20

Bitir nib gonop e ra felfelan’nag e chitamngin. Kemus ni en nib balyang e ma fanenikay e chitiningin.

Proverbs 6:6

Girdi’ ni gamead e thingar ra filed ban’en u rogon nma par e apurgog.

Proverbs 11:5

Yul’yul’ e ra momnag e par rok be’ nib manigil, machane en nib kireb e ir tapgin e mul nra tay.