Proverbs 14:31 - Bible Ni Thothup

³¹ Fa’an ga ra gafgownag e girdi’ ni dariy ban’en rok, ma ga be togopluw ngak fare Got ni sunmegrad, machane ga ra gol ngak e pi’in ndariy ban’en rorad ma aram ngonglen e liyor.

Proverbs 14:31 Referans Kwoze

Proverbs 22:2

Dariy ban’en nib thil u thilin e pi’in pire’ ban’en rorad nge pi’in dariy ban’en rorad, ya yad gubin ni SOMOL e sunumiyrad.

Proverbs 22:16

Fa’anra u mu fal’eg e tow’ath rok e girdi’ nib yo’or ban’en rorad ara mu gafgownag e pi’in gafgow ya nge yo’or ban’en rom, me gur e ra m’ay ban’en rom.

Proverbs 17:5

Fa’anra um dariyfannag e girdi’ ni gafgow, ma ga be darifannag Got ni ir e sunmiyrad. Yira gechig nagem ni fa’anra i felfelan’um ko gafgow nike aw ngak be’.

Proverbs 19:17

Ga ra pi’ ban’en ngak e gafgow, ma bod ni SOMOL e ka mu pi’ ngak, ra sulweg SOMOL puluwon ngom.

1 John 4:21

Ere ba’aray e n’en ni yog Kristus ni ngad rin’ed ni ga’ar: en nib t’uf Got rok e ku errogon nthingari t’uf rok walagen ni girdi’en Kristus.

Eklesiastes 5:8

Dab mu gin ngay u nap’an ni ga ra guy ni am e be gafgownag e pi’in gafgow ma be siyeg ni nge rin’ e tin nib mat’aw ngorad nge tin mat’awrad. Gubin e pi ga’ ma bay u tan e gagiyeg rok be’ nib tolang ngak, ma yow bay u tan e gagiyeg rok e pi’in kab ga’ ngorow.

Psalms 12:5

Be ga’ar SOMOL, “Chiney e bay gub, ni bochan e pi’in ba t’uf e ayuw rorad e yibe gafgow nagrad ma pi’in yibe gafgow nagrad e yad be gel’gel’ u fithik’ e amith. Bay gu pi’ ngorad e re ayuw ni yad be yim’ ni bochan.”

John 12:8

Ya pi’in gafgow e gubin ngiyal’ ma yad bay romed, machane gag e gathi gubin ngiyal’ ni bay ug par romed.”

Proverbs 14:21

Fa’anra ga ba’adag ni ngam felfelan’ ma ngam gol ngak be’ ni dariy ban’en rok; ya ba denen ni ngam dabuy be’.

Levitikus 25:17

Dab mu sasalap ngak be’ nu Israel, machane ngam fol rok SOMOL ni Got rom.

Deuteronomy 24:14

“Dab mu sasalap ngak be’ nib gafgow ni be maruwel rom, demturug ko be’ u Israel fa be’ u bang ni be par u reb e yochi binaw romed.

BABYOR NI JOB 24:4

Yad ma taleg mat’wun e gafgow miyad mod yargel ko pi’in gafgow ngar milgad ngar mithgad.

Proverbs 28:8

Fa’anra fel’ rogom ko ris ni ga be yin’ ko salpiy rom ma kemang i tay ngom ni ga be gafgownag e girdi’, ma fla’ab rom e bayi fanay be’ nib gol ngak e pi’in gafgow.

Levitikus 25:35

Fa’anra be par be’ ni ku reb e girdi’ nu Israel ni ba chugur ngom nike gafgow ndabki yag ni nge ayuweg ir, ma thingar mu pi’ e tin bt’uf rok ni bod ni ga be rin’ ngak be’ ni be maruwel rom, ya nge yag ngki i par ni ba chugur ngom.