Proverbs 14:29 - Bible Ni Thothup

²⁹ Fa’an ga ra par ni gab filmungyan’, ma ga ba gonop, machane fa’anra ba papey e damumuw ngom, ma kemus ni ga be dag fanam manan’.

Proverbs 14:29 Referans Kwoze

James 1:19

Gimed e pi walageg ni girdi’en Kristus ni gimed ba t’uf rog, dab mpaged talin ni gubin e girdi’ ma thingar ra gurgad ko motoyil, machane dab ra gurgad ngar welthingad, ma dab ra gurgad ngar damumuwgad.

Eklesiastes 7:9

Mu kol ayuw ko damumuw rom; defel’ ni ngam cha’riy e kireb u wun’um.

Proverbs 14:17

Girdi’ nib gel e damumuw rok e yad ma rin’ bogi ban’en u fithik’ e balyang; ma girdi’ ni yad ba gonop e yad ma par ni yad ba paslog.

Proverbs 15:18

Damumuw nib gel’ e ma k’aring e tugthin, machane gumaen’ e ma pi’ e gapas.

Proverbs 19:11

Fa’anra gur be’ ni ga ba filmungyan’, mrayag ni ngam filan’um ko damumuw rom. Nap’an nra rin’ be’ ban’en ngom nib kireb, ma ri fel’ngin e ngam n’agfan u wun’um.

Proverbs 16:32

Kabfel’ ni ngam gumaen’ ko bin ngam ma’ngach. Kabfel’ ni ngam nang rogon i gagiyeg nagem ko bin ngam gagiyegnag e binaw ni polo’.

Proverbs 25:28

Fa’anra dabiyag ni ngam kadan’um ko domumuw rom, ma ri ga bod feni me’waer bbinaw ni dariy e rungrung riy, nib puf wo’en e cham ngay.

Numbers 12:3

Mi Moses e be’ nrib sobut’an’, ni ir e th’abi sobut’an’ u fithik’ e girdi’ nu fayleng.

Matthew 11:29

Mfeked e mat’ rog ngam ted nga pomed, mi gimed folwok rog, ya gub munguy ma gub sobut’an’; mi gimed pir’eg e toffan.

Eklesiastes 10:6

Girdi’ nib pinat e ni pi’ e liw ngorad nib tolang mab ga’ lungun min fek owchey ko pi’in ba yo’or ban’en rorad.

Proverbs 25:8

Yug dab mu gur nagem nga tafen e puf oloboch u murung’agen ban’en ni ka mu guy. Ya fa’anra ta’boch me micheg be’ ni gur e ga ba oloboch, me’ere mang e ngam rin’?

Proverbs 4:8

Nge t’uf rom e gonop, ya ir e ra gel nigem. Mu gamuchmuch ngak, me tolang nagem.

Matthew 2:16

Ma fa’ani nang Herod ni fa pi’in nrabad u ngek e kar ban niged, me ri damumuw. Me pi’ e thin ni ngan li’ ngem’ urngin e bitir ni pumo’on u lan yu Bethlehem nge yungi n’en ni bay u to’oben yu Bethlehem, ni bitir ni l’agruw e duw yangren nga but’ — nike yan i puluweg ko fa ngiyal’ ni ba’aram ni m’ug fare t’uf riy ni bod rogon ni weliy fa pi’in nrabad u ngek ngak.

Proverbs 14:28

Feni ga’ ba pilung e be yan u rogon urngin e girdi’ ni be gagiyegnag; mra darmed ma dariy rogon ngabang.

Proverbs 17:27

Cha’ nib sul lanyan’ ngak e gathi gubin ngiyal’ nma welthin. Girdi’ ni be par nib paslog e ba ga’ e nangan’ rorad.

Eklesiastes 7:8

Ra nmu’nag ban’en ma kabfel’ nga ban’en ni kafinni tababnag. Ku bfel’ e gumaen’ ko tolngan’.