Proverbs 14:28 - Bible Ni Thothup

²⁸ Feni ga’ ba pilung e be yan u rogon urngin e girdi’ ni be gagiyegnag; mra darmed ma dariy rogon ngabang.

Proverbs 14:28 Referans Kwoze

2 Kings 13:7

Ma dakuriy e salthaw rok Jehoahaz ni magey, kemus wugem e girdi’en e yan u os, ragag e chariot, nge 10,000 e salthaw ni mayan u but’, ya fare pilung nu Syria e ke thirif u but’ e tin ki immoy, ke yotyotrad nga but’ ni bod e fiyath.

Exodus 1:22

Me ga’ar Farao ngak urngin e girdi’ ko nam rok, “Urngin e bitir ni pumo’on ni yira gargeleg ngak e Hebrew e ngmon’ed ngalan e lul’ ni Nile, machane bitir ni ppin e ngan pag ngar pired ni yad bfos.”

1 Kings 20:27

Piyu Israel e rabad nga ta’bang ngar faleged rogon e talin e cham rorad mranod ra fal’egged rograd ni yad l’agruw raba’ u but’ ni yad ba sabliy e pi Syrian. Piyu Israel e yad bod ya’an ruwoch ulung i kaming u puluwon e pi Syrian, ni kar garargad kar faned daken barba’ e binaw.

Exodus 1:12

Machane gelngin ni be gafgownag piyu Egypt yu Israel, ma aram e ri yad be yo’or ma be wear e girdi’ nu Israel u daken e nam nu Egypt. Me par piyu Egypt nike yib magran yu Israel ngorad

2 Samuel 19:7

Mman e Chiney ngam fal’eg laniyan’ e salthaw rom. Ya fa’anra dab mu rin’, ma ri gu be micheg nga fithingan SOMOL nra gabul ma dakuriy bagayad ni kab fol ngom. Me yan i aw ni irera’ e bin th’abi ga’ e buch wa’athan nike yib ngom u nap’an e yafos rom.”

Proverbs 14:27

Ga ba’adag ni ngam liyeg ko yam’? Daguwen SOMOL e ba thang’el ko yafos.

Proverbs 14:29

Fa’an ga ra par ni gab filmungyan’, ma ga ba gonop, machane fa’anra ba papey e damumuw ngom, ma kemus ni ga be dag fanam manan’.

2 Samuel 24:3

Machane me fulweg Joab lungun fare pilung, ni ga’ar, “Gur e en Pilung, mang e yigi yo’ornag SOMOL ni Got rom e girdi’ nu Israel ni ra’ay yay ni nge yo’or ko chiney, ma mange yigum par ni gabfos ngam guy ni nge rin’. Machane mangfan i Gur Pilung ni ga ba’adag ni ngan rin’ e bin’ey’?”

Jeremiah 13:20

Jerusalem, mu changar! Pi to’ogor rom e karbad ko lel’och nga pe’ning! Bu uw fapi girdi’ ni um paged e taga’ ngorad ni ngar ayweged gimed, ni fapi girdi’ romed ni gimed ba uf ngorad.