Proverbs 14:17 - Bible Ni Thothup

¹⁷ Girdi’ nib gel e damumuw rok e yad ma rin’ bogi ban’en u fithik’ e balyang; ma girdi’ ni yad ba gonop e yad ma par ni yad ba paslog.

Proverbs 14:17 Referans Kwoze

Proverbs 14:29

Fa’an ga ra par ni gab filmungyan’, ma ga ba gonop, machane fa’anra ba papey e damumuw ngom, ma kemus ni ga be dag fanam manan’.

Proverbs 29:22

Girdi’ nib papey e damumuw ngak e ma k’aring e tugthin nge wagey.

James 1:19

Gimed e pi walageg ni girdi’en Kristus ni gimed ba t’uf rog, dab mpaged talin ni gubin e girdi’ ma thingar ra gurgad ko motoyil, machane dab ra gurgad ngar welthingad, ma dab ra gurgad ngar damumuwgad.

Eklesiastes 7:9

Mu kol ayuw ko damumuw rom; defel’ ni ngam cha’riy e kireb u wun’um.

Proverbs 15:18

Damumuw nib gel’ e ma k’aring e tugthin, machane gumaen’ e ma pi’ e gapas.

Proverbs 22:24

Dab mm’ag tafger ngak e girdi’ nib gelyuwan ma ba gel e damumuw rorad.

Proverbs 16:32

Kabfel’ ni ngam gumaen’ ko bin ngam ma’ngach. Kabfel’ ni ngam nang rogon i gagiyeg nagem ko bin ngam gagiyegnag e binaw ni polo’.

Isaiah 32:7

Ir be’ nib kireb mma rin’ e kireb; ma lifith l’ugun ni aram e be ngongliy e makath ni nge gafgownag e pi’in gafgow nge dabiyag ngorad mat’wunrad.

Proverbs 12:16

Nap’an nra puwan’ be’ nib balyang, ma rib gagyel u daken. Ma pi’in nib tamilangan’ e ma sabalbalyang ko thin ni kireb.

Proverbs 12:2

I SOMOL e bfel’ u wan’ e girdi’ nib manigil, machane ma gechignag e pi’in yad ma t’arliben e kireb.

Ester 3:6

ma nap’an niki nang ni Mordekai e ba Jew me duwgiliy ni gathi go’ Mordekai e nge gechignag. Me leamnag ni nge thang mit gubin e Jew ni bay u tan e gagiyeg rok yu Persia.

2 Kings 5:12

Gathi kabfel’ e ran ko lul’ ni Abana nge Farpar ni bay u Damaskus ko urngin e lul’ nu roy u Israel? Manga gumnang ma kug maluk u lan reb kug gol!”

Proverbs 14:16

Girdi’ nib sul lanyan’ ngak e yad ma guy rogon ni ngar pired u orel ko oloboch, ma girdi’ nib manan’ e yad ba wagagey ni yad ma ngongliy ban’en u fithik’ e gur gur.

Proverbs 14:18

Girdi’ ni de nang ban’en e ma sul taban e balyang rorad ngorad, ma pi’in yad manang ban’en e yira tow’ath nagrad ko llowan’.

Proverbs 20:3

Demturug be’ nib balyang mrayag ni nge sunumeg reb e tugthin; machane bin nib ga’fan e ngan par u orel riy.