Proverbs 13:21 - Bible Ni Thothup

²¹ Oloboch e ma lek e pi tadenen u gubin yang, machane girdi’ nib mat’aw e ra fel’ wa’athrad ko tin ni bfel’ ban’en.

Proverbs 13:21 Referans Kwoze

Psalms 32:10

Pi’in kireb e ri yad ra gafgow, ma pi’in nib pagan’rad ngak SOMOL e be yororiyrad ko t’ufeg rok ni dabimus.

Proverbs 13:13

Fa’an ga ra siyeg e fonow ni bfel’, ma aram e ga be gay e oloboch; mu fol riy ma dabi buch ban’en rom.

Psalms 140:11

Mang e yigi dabi fel’ e tin be leamnag e pi’in yad ma t’ar e thin nga daken e girdi’; mang e yigi buch wa’athan e girdi’ nib ma’ngach ko cham nge math owcharad.

Numbers 32:23

Ma fa’anra da mu ted u gil’ e n’en ni kam og niged, ma nggog ngomed e chiney ni bay um denengad nib togopluw ngak SOMOL. Dabi maruwar u wun’med; ni yira gechig nagmed ni bochan e denen romed.

Genesis 4:7

Fa’an mang e mu ngongliy e tin ni bfel’, ma be m’ug u owchem ni gab felfelan’; machane bochan e kam ngongliy e tin nib kireb, ma aram e be son nigem e denen u langan e mab rom ni nge og ngom. Ba’adag ni nge gagiyeg nigem, machane thingar mu gel ngak.”

Acts 28:4

Me guy e girdi’ ko fare donguch e re porchoyog nem nike yabochboch nga pa’ Paul miyad yog rorad ni lungurad, “Re mo’on nem e dabisiy ni ir be’ nike thang e pogofan, yugu aray rogon nike thap nga arow nde yim’ u maday, machane taban e kireb nma pi’ e kan e dabkiyag ni nge thay riy, ya ke muturug ni nge yim’.”

Psalms 54:5

Mang e yigi cheleg Got e kireb rok e pi to’ogor rog nge aw ngorad. Ra thang owcharad ni bochan e ba yul’yul’.

Proverbs 11:31

Pi’in yad bmanigil e ran pi’ pulworad u roy u fayleng, ere ngari mich u wan’um ni girdi’ ni kireb ma ba tadenen e yira gechig nagrad.

Proverbs 17:13

Fa’an ga ra fulweg taban e fel’ ni kireb, ma dariy e ngiyal’ nra chuw e kireb u naun rom.

Isaiah 47:11

Riya’ e bayib nga dakenam, ma dariy reb e pig rom nrayag ni nge taleg. Ba tomgin nra machade’ nigem e gafgow — ni gafgow ni da i bit ngan’um!

Proverbs 24:16

Demturug urngin yay nra paraw e girdi’ nib yul’yul’, ma gubin yay ma kuyad ra sak’iy; machane riya’ e ma thang mit e pi’in kireb.

Ezekiel 7:5

Irera’ e n’en ni be yog SOMOL ni Th’abi Tolang: “Bayi malay e riya’ nga dakenmed.