Proverbs 13:10 - Bible Ni Thothup

¹⁰ Tolngan’ e go’ oloboch e ma fek i yib. Kab gonop e en ma fith e fnow.

Proverbs 13:10 Referans Kwoze

Proverbs 19:20

Fa’anra um motoyil ko fanow me fel’ u wan’um e tin ga be fil, mra reb e rran ma ga ra gonop.

Proverbs 17:14

Ra tabab e tugthin ma bod e gin m’on e tha’al u ba teng; mu taleg ni dawri ga’ i yan.

James 4:1

U uw e ma yib urngin e cham nge tugthin u fithik’med riy? Ra bad ko tin ni be ar’arnag fithik’ i dowmed ni gubin ngiyal’ ma be cham ko tin ni manang lanin’med ni ir e bfel’.

1 Timothy 6:4

e ba ufanthin, ma dariy ban’en ni manang. Ma ri ba’adag ni nge malu’ag thin me tugthin ngak be’ u murung’agen yu bugithin, ma ireray e ren’en nma sunumiy e awan’, mma wereg e girdi’, mma k’aring e thin nib kireb nganog, ma ir e ma pow’iy e girdi’ ngi i sana be’ ku be’ nib kireb e n’en ni be leamnag,

Luke 22:24

Me malu’ag thin pi gachalpen Jesus ko mini’ e arorad ni ir e ngar ted nib tolang u fithik’rad.

Proverbs 25:8

Yug dab mu gur nagem nga tafen e puf oloboch u murung’agen ban’en ni ka mu guy. Ya fa’anra ta’boch me micheg be’ ni gur e ga ba oloboch, me’ere mang e ngam rin’?

Proverbs 21:24

Mu dag be’ ngog nib ufanthin ma bay gu dag be’ ngom nib tolngan’, ma ba yowlop, ma ba fel’ngak.

Proverbs 20:18

Nge yag e fanow ngom ni bfel’ me fel’ rogon e tin ga be nameg; dab mu og nigem i yan ko mael ndawor mu tanomnag rogom.

2 Kings 14:10

Amaziah, chiney e kam gel ngak piyu Edom, ma aram e ka rim taf. Nge fel’ u wun’um e fla’ab rom mag par u tabnaw. Mang ni ngam k’aring e wagey ni kemus ni nge girengiy e riya’ nga dakenam nge girdi’ rom?”

1 Kings 12:16

Ma fa’ani nang e girdi’ ni fare pilung e dabi motoyil ngorad, miyad tolul ni lungurad, “Kad math’gad David nge tabinaw rok! Mang e ren’en ni bfel’ ni kar rin’ed ngodad! Gadad yu Israel, e ngad sulod nga tafedad, me par Rehoboam rok nge mang ir e i ayweg ir!” Aram rogon ni togopluw yu Israel,

Judges 19:30

Gubin e girdi’ ni guy e ra ga’argad, “Dawor gu rung’aged ban’en ni aray rogon bi’id! Dawori buch ban’en ni aray rogon nnap’an ni chuw yu Israel u Egypt! Thingar da rin’ed ban’en ko ren’ey! Gur bamang?”

Proverbs 13:9

Pi’in nib mat’aw e yad bod ba magal ni ba ga’ ram’en; ma pi’in kireb e yad bod ba magal ni be n’en ni nge math.

Proverbs 13:11

Feni mom nrayag e salpiy ngom, e aram feni mom nra thay u pa’am. Feni mo’maw’ ni mu yagnag, aram feni ra yo’or rom.

Proverbs 28:25

Fel’ngak e kemus ni oloboch e ma k’aring. Bfel ni nge pagan’um ngak SOMOL.