Proverbs 12:28 - Bible Ni Thothup

²⁸ Mat’aw e ir e kanawo’ ko yafos; ma kireb lanyan’ e ir e kanawo’ ko yam’.

Proverbs 12:28 Referans Kwoze

3 John 1:11

Fager rog ni gab t’uf rog, dab mu folwok ko tin nib kireb, machane ngam folwok ko tin ni bfel’. En nma rin’ e tin ni bfel’ e ir reb i girdi’en Got; ma en nma rin’ e kireb e dawori guy Got.

Roma 5:21

Ere rogon ni i gagiyeg e denen u daken e yam’, e ku eram rogon e runguy rok Got ni be gagiyeg u daken e mat’aw ni be tay ngodad, be fekdad i yan ko yafos ni dariy n’umngin nap’an u daken Jesus Kristus ni ir e Somol rodad.

Proverbs 11:19

Demturug be’ nike duwgiliy u wan’ ni nge rin’ e tin nib mat’aw mra par nib fos, ma en nike duwgiliy ni kireb e nge ngongliy e ra yim’.

1 John 3:7

Pifakag, dab mpaged be’ nge ban nagmed! En nra rin’ e tin nib mat’aw e bmat’aw ni bod feni mat’aw Kristus.

1 John 2:29

Gimed manang ni Kristus e bmat’aw; ere susun e ngam nanged ni gubin e girdi’ nma rin’ e tin nib mat’aw e yad pifak Got.

Ezekiel 18:9

Ma fol ko tin kugog ni ngan rin’ mma fol ko pi motochiyel rog. Ir be’ nib yal’uw mab mat’aw ma ra par nib fos.” Ara’ rogon nike yog Somol ni Th’abi Tolang.

Proverbs 10:16

Pulwon e ngongol ni bfel’ e yafos, ma denen e kemus nma soregey i yan nga boch e denen.

Proverbs 8:35

En nra piri’egeg e ke pir’eg e yafos, ma ra i par ni bfel’ u wan’ SOMOL.

Deuteronomy 30:15

“Daba’ e kug pagfan ngomed ni nge mang gimed e mu duwgiliyed ko fel’ fa kireb, ara yafos fa yam’.

Proverbs 9:11

Gonop e ra puthuy boch e duw ko yafos rom.

Deuteronomy 32:46

me ga’ar, “Thingar mu folgad u urngin e pi thin ney ni kug pi’ ngomed e daba’. Mu weliyed ngak pifakmed, ya ngar folgad u urngin e machib rok Got u fithik’ e yul’yul’.

Jeremiah 21:8

Ma aram me yog SOMOL ngog ni nge lungug ko girdi’, “Mmotoyilgad! I Gag SOMOL e ku gu pi’ mat’awmed ni ngam mel’egged e bin bu uw e kanawo’, bin ni yan ko yafos fa bin ni yan ko yam’.

Deuteronomy 30:19

Kug pining e tharmiy nge fayleng ni ngar mangew mich romed e daba’, ya kug tay nga puluwmed e yafos nge yam’, fel’wa’athan nge buchwa’athan; ni gimed e ngam mel’eged. Mmileg’ed e yafos.

Proverbs 10:2

Fla’ab nrayag ngom u fithik’ e sasaliyab e dabi fel’ rogom riy, machane yul’yul’ e ra ayweg e yafos rom.