Proverbs 12:23 - Bible Ni Thothup

²³ Girdi’ nib tamilngan’ e yad ma th’ab gulungrad ko n’en ni yad manang, ma pi’in pinat e yad ma gagyelnag farad manan’.

Proverbs 12:23 Referans Kwoze

Proverbs 13:16

Girdi’ nib sul lanyan’ ngak e ma tafnay nge mu’ mfini ngongol, ma girdi’ ni pinat e yad ma dag farad balyang.

Proverbs 11:13

Dariy be’ nib ta’ gun’gun’ nrayag ni nge pagan’uy ngak u ban’en nib mith, machane be’ nib yul’yul’ e ra pagan’uy ngaki.

Proverbs 10:14

Pi’in gonop e rayag ngorad urngin e llowan’, machane welthin ko girdi’ ni balyang e ra fek e oloboch i yib.

Proverbs 15:2

Ra non e girdi’ nib gonop, me m’ug feni fel’ e llowan’, machane pi’in balyang e ma yib e thin ni dariy fan u l’ugunrad.

Proverbs 10:19

Feni yo’or e welthin ni ga be tay, ma aram fini mom ni ngam denen. Ma fa’anra ga ba gonop, ma ga ra th’ab gulngam.

Eklesiastes 10:3

Farad pinat e ba gagyel ni mus ngak e milekag ni yad ra mada’ u kanawo’ mra nang; yad ma pag gubin e girdi’ nge nang ni yad bbalyang.

Proverbs 18:2

En nib balyang e dariyfan u wan’ ni ngari nangfan ban’en; kemus ni ba’adag ni nge m’ug ni ir e ba llowan’.

Proverbs 29:11

Girdi’ nib manan’ e der ma mithag e damumuw rok, ma girdi’ nib sul lanyan’ ngak e yad ma kadan’ ngar pired nga daken e damumuw rorad.

1 Samuel 10:16

Me fulweg Saul ni ga’ar, “I yog ngomow ni ka ni piri’egrad,” machane de weliy ngak e tin keyog Samuel ni murung’agen ni bayi pilung.

Nehemiah 2:12

da gog ngak be’ e n’en ke tay Got nga lanin’ug ni nggu muruwliy ni fan ngak yu Jerusalem. Me lukngun e nep’ mu gu od me un in e pumo’on ngog nggu warod. Ta’are gamanman ni gu feked nge un ngomad e re dongki ni ba’aram ni gu af nga daken nggu warod.

Nehemiah 2:16

Dariy reb e tolang ni nang e gin gu wan ngay ara n’en ni ug rin’. Aram nap’an i yib ma dawor gu weliy ban’en ngak bagyad e tin ba’aram e Jew, ni pi prist, nge pi’in yad ma yog e thin, nge pi tolang, ara yugu be’ nra un ko re maruwel nem.

Proverbs 14:33

Gonop e bay u fithik’ gubin e leam rok be’ nib llowan’; pi’in balyang e dariy ban’en ni yad manang u murung’agen e gonop.