Proverbs 12:21 - Bible Ni Thothup

²¹ Dariy ban’en nib kireb nma buch rok e pi’in nib mat’aw, machane pi’in kireb e dariy ban’en rorad, go’ oloboch.

Proverbs 12:21 Referans Kwoze

1 Peter 3:13

I mini’ e ra rin’ e kireb ngomed ni fa’anra gimed be athamgiliy ni ngam ngongliyed e tin ni bfel’?

Psalms 91:10

ma aram e dariy ba riya’ nra yib ngom, ma dabi chugur e cham ko tabinaw rom.

Roma 8:28

Urngin e pi’in ke piningrad Got ko tin be leamnag ni pi’in nib t’uf Got rorad, e gadad manang nma ayuwegrad Got nge pingeg urngin ban’en nge fel’ ngorad.

Proverbs 1:31

Ere bay yib ngomed e tin bay tapgin ni nge yib ngomed, ma ngongol romed e ir e bayi k’aring e m’ar ngomed.

Revelation 18:6

Mu rin’ed ngak ni bod nike rin’ ngomed, mu gechigniged ni l’agruw yay u gelngin e n’en ke rin’ ngomed. Mu suguyed e kap rok ko n’en ni yima unum nl’agruw yay ni kab gel ko n’en nike ngongliy rogon ni ngam unumed.

Habakkuk 2:16

Bay mu tamra’gad ma dab kun tay famed. Gimed e bay mu unumed ngu’um thigthiggad. I SOMOL e bayi pi’ ngomed e kap ko gechig ngam unumed e n’en ni ba’ riy, ma tayfan ni yibe tay ngomed e bayi thil ngan darifan nagmed.

Proverbs 14:14

Girdi’ ni kireb e ra sul taban e kireb rorad ngorad. Girdi’ nib manigil e yad ra fek puluwon e gafarig rorad ni bfel’.

2 Korinth 4:17

Re gafgow ney ni gadad be tay nib gafgow nib achig ma dabi n’uw nap’an me m’ay e bayi fek i yib ngodad ba fla’ab ni ba ga’ ni dabi m’ay bi’id, nri kab gel feni ga’ ko re gafgow ney.

Psalms 121:7

I SOMOL e ra yororiyem rok urngin e riya’; me tem ndabi buch ban’en rom.

Proverbs 1:33

Machane en nra i motoyil ngog e dabi buch ban’en rok. Ra i par nib pagan’ ndariy rogon ni nge rus.”

Proverbs 12:20

Pi’in yad ma t’arliben e kireb e yad ra gin ko kireb, machane pi’in yad ma maruweliy e fel’ e yad ra pir’eg e felfelan’.

Proverbs 19:23

Mu fol rok SOMOL ma ga par nib n’uw nap’an e yafos rom, ma ga ba gaman ndariy ban’en nra buch rom.

Eklesiastes 8:5

N’umngin nap’an ni ga be tay e thin rok u gil’, e dariy ban’en nra buch rom, ma be’ nib gonop e manang rogon nge ngiyal’ ni nge rin’ ban’en.

Proverbs 11:21

Ngari mich u wun’um ni girdi’ ni kireb e yira gechignag, ma pi’in mat’aw e yad ra thay riy.

Eklesiastes 7:18

Ngam pilo’ riy ni l’agruw. Fa’anra bay madgun SOMOL rom, ma dabisiy nra fel’ rogom.