Proverbs 12:18 - Bible Ni Thothup

¹⁸ Marog thin e rayag ni nge maad’ad nga laniyan’ be’ nib to’ar ni bod bangi saydon, machane thin nnog nib gonop e rayag ni gol nigey.

Proverbs 12:18 Referans Kwoze

Proverbs 16:24

Thin ni bfel’ e bod e honey— nib athibthib ma bfel’ nga fithik’ i dowey.

Proverbs 15:4

Thin ni gol e ma ayuweg e yafos, machane morug thin e ma kirebnag lanin’uy.

Psalms 57:4

Ke liyegeg e pi to’ogor, ni yad bod e layon nib talonguy e girdi’. Nguwelrad e bod bogi sarey nge gan e gat’ing; ma bolowtherad e bod yungi saydon nib m’uth.

Psalms 52:2

Ga be t’ar liben ni nge math owchen boch e girdi’; balowthem e bod bangi resa nib m’uth. Gubin ngiyal’ ni ga ma tunguy e thin.

Daniel 11:33

Ma pi’in yad ba gonop ko thin rok Got e bay ra filed e llowan’ rorad ngak bo’or e girdi’. Ma bay ba ngiyal’ ni bay nli’ boch i yad u fithik’ e mael mini urfiy nge yim’, ma bochi yad e ni leag e chugom rorad min tayrad nga kalbus.

Proverbs 25:18

Dum’thin nga daken be’ e ri ba ubchiya’ ni bod ba saydon ni talin e maad’ad, fa baley i gul, fa ba gan e gat’ing nib m’uth.

Proverbs 15:7

Pi’in gonop e yad ma garareg e llowan’, ma gathi pi’in balyang.

Proverbs 13:17

Pi tamal’og ni dabi pagan’uy ngorad e yad ra k’aring e oloboch, ma pi’in yima pagan’uy ngorad e yad ma fek e gapas i yib.

Proverbs 4:22

Pi thin nem e ma pi’ e yafos mma golnag e en ma tamilangan’ riy.

Psalms 64:3

Yad be uthum bolowtherad ni bod yungi saydon, yad be pulweg e thin ni kireb ni bod bogi gan e gat’ing.

Revelation 22:2

nge yan u lulukngun e kanawo’ ko fare binaw. Ma ra baraba’ fare lul’ ma bay e gek’iy ko yafos riy, ni ragag nge l’agruw yay nma k’uf u reb e duw, nra reb e pul ma ta’ab yay; ma yuwan e ma chuweg e liliy rok e pi nam.

Revelation 1:16

Ma bay medlip i t’uf u lan e ba’ ni mat’aw i pa’, me m’ug ba saydon u l’ugun ni l’agruw raba’ ma mm’uth. Ma owchen e bod owchen e yal’ ni misiw’.

Psalms 59:7

Mu telim ko yaba’ ni yad be tay nge thin ni yargal. Balowtharad e bod e saydon u lan l’ugunrad, ma yad be leamnag ni dariy be’ ni be rung’ag lungrad.

Proverbs 12:17

Nap’an ni ga ra weliy e tin riyul’, min rin’ e tin ba yal’uw, machane malulfith l’ugun e ma soregney ko n’en nde yal’uw.

Psalms 57:5

A Got, mu dag fanam gel u lane lang, nge fal’ngim u gubin yang u fayleng.