Proverbs 12:15 - Bible Ni Thothup

¹⁵ Girdi’ nib pinat e gubin ngiyal ni yad ma leamnag nib sororad. Ma girdi’ nib gonop e ma motoyil ko fanow.

Proverbs 12:15 Referans Kwoze

Proverbs 3:7

Dab mu leamnag ni gur e ga ba gonop; ya ngu’um par ni bay madgun SOMOL u wan’um, ma ga pag i rin’ e kireb.

Proverbs 19:20

Fa’anra um motoyil ko fanow me fel’ u wan’um e tin ga be fil, mra reb e rran ma ga ra gonop.

Proverbs 14:16

Girdi’ nib sul lanyan’ ngak e yad ma guy rogon ni ngar pired u orel ko oloboch, ma girdi’ nib manan’ e yad ba wagagey ni yad ma ngongliy ban’en u fithik’ e gur gur.

Proverbs 14:12

Re kanawo’ ni ga be leamnag nib manigil e rayag ni nge sor ko yam’.

Proverbs 1:5

Pi thin ney ni bay e gonop u fithik’ e rayag ni nge ga’nag e llowan’ ko pi’in kayad ba gonop, ma rayag ni ngi i pow’iy e pi’in ka yad ba sukul,

Proverbs 26:12

Re balyang ni th’abi pinat e kabfel’ boch ngak e pi’in yad ma leamnag ni bay e gonop rorad ma dariy.

Proverbs 16:25

Bay e wo’ nma leamnag e girdi’ nib mat’aw machane ba sor ko yam’.

Proverbs 16:2

Rayag ni ngam leamnag ni urngin e tin ni ga be rin’ e ba manigil, machane SOMOL e ma thabthabelnag rogom.

Galatia 6:3

Fa’anra be finey be’ ni ir e ba sorok, ma bin riyul’ riy e ri dariy rogon, ma aram e fa’anem e ir e be bannag ir.

Proverbs 9:9

Demturug e n’en ni ga ra yog ngak be’ nib gonop ma ra gel boch e gonop rok. Ma demturug e n’en ni ga ra yog ngak be’ nib mat’aw ma ra puthuy ko tin manang.

Proverbs 21:2

Rayag ni ngam leamnag ni gubin e ngongol rom ma go’ bfel’, ma dab mu pagtalin ni SOMOL e be thabthabelnag e tin bay u gumircha’em.

Luke 18:11

Me sak’iy fare Farise ngalang nge meybil rok ni ga’ar, ‘Gu be pining e magaer ngom, i gur Got, ni bochan e gathi gag be’ ni gub chogow, fa gu ma ban, ara gu ma darngal, ni bod nma rin’ yugu boch e girdi’; gu be pining e magaer ngom ni bochan e gathi gu bod e re tamukun tax nem.

Proverbs 30:12

Bay boch e girdi’ ni yad ma leamnag ni yad bmachalbog ma krimusmus farad alit.

Proverbs 28:11

Girdi’ ni yo’or ban’en rok e gubin ngiyal’ ma yad ma leamnag ni yad ba gonop, machane be’ nib gafgow ma bay e nangan’ rok u rogon e girdi’ e ba ga’ e llowan rok.

Eklesiastes 4:13

Kabfel’ rogon be’ nib pagel ni dariy ban’en rok ma ba gonop, ngak be’ nib pilung nike pilbithir ma bbalyang ni der ma fanay e fanow rok be’,

Proverbs 26:16

Be’ nib gamead e bay i leamnag ni ir e ba llowan’ ngak medlip e pumo’on nrayag ni ngar weliyed fan e tin yad be leamnag.

Proverbs 13:1

Bitir nib gonop e ma motoyil ko fanow ko gallabthir, ma be’ nib tolngan’ e dabun ni nge dag ni ir e ba oloboch.

Proverbs 13:10

Tolngan’ e go’ oloboch e ma fek i yib. Kab gonop e en ma fith e fnow.