Proverbs 12:12 - Bible Ni Thothup

¹² Kemus nn’en ni ba’adag e girdi’ ni kireb e ngu’ur gayed e tin kireb ni ngar rin’ed, ma pi’in nib mat’aw e yad be par ni yad bmudugil u but’.

Proverbs 12:12 Referans Kwoze

John 15:5

“I gag kenggin e grape, ma gimed papa’ngin. En nra par u fithik’ag, mu gu par u fithik’an, e bo’or wom’ngin nra yib; ya dariy ban’en nrayag romed ni fa’anra da mpethgad ngog.

Isaiah 37:31

Pi’in nu Judah nra fosgad e bay ra dammalgad ni bod e gek’iy ni kan yung nra pi’ likngin nga’ar me yib wom’ngin.

Isaiah 27:6

Lan e pi rran nem ni bayib e girdi’ nu Israel, ni owchen Jakob e bayib lik’ingirad ni bod ba ke gek’iy, nge puf e floras riy nge yib wom’ngin. Fayleng e ra sug daken u wom’ngin ni be k’uf.

Psalms 10:9

yad ma son ko gin ka ra mithgad riy ni bod e pi layon. Yad ma pach ni yad be sonnag e pi’in gafgow; miyad kolrad ko wup rorad miyad girngiyrad ngabang.

Psalms 1:3

I ir e bod ba ke gek’iy nike tugul u to’oben ba lul’; gubin ngiyal’ nma k’uf ko ngiyal’ nra taw ngay ni nge k’uf, ma der mororoy yuwan. Urngin e tin ma ngongliy e ma yan i aw ni bfel’.

Roma 6:22

Machane chiney e kan chuwegmed u tan pa’ e denen kam manged sib rok Got; ma wenegan nike yib ngomed e kari mpi’ed gimed nga pa’, ma tomuren e biney, e yafos ndariy n’umngin nap’an e bay yag ngomed.

John 15:16

Gathi gimed e mmel’eged gag; ya gag e kug mel’egmed kug turguymed ni ngam marod nge yib wom’engimed ni pire’ ni fa mit i wom’ngin nma par ni dabi kireb bi’id. Ma en ni Chitamangiy e demturug e n’en ni gimed ra ning ngak u fithingag mra pi’ ngomed.

Proverbs 10:15

Machaf e ma yororiy e pi’in yo’or ban’en rorad; ma gafgow e ma kirebnag e pi’in dariy ban’en rorad.

Psalms 9:15

Pi nam e ka ra mulgad ngalan e low ni yad e ra kired; ka ra awgad ko wup rorad.

Mikah 7:2

Dariy ta’abe’ nike magey u daken e re nam ney nder sasaliyeb, ma dariy be’ riy nib yul’yul’ ngak Got. Ya yad gubin ni karm’ad. Urngin e girdi’ nra be’ ma yugu be son ni gomanga yigi bung rogon nge thang e pogofan. Gubin e girdi’ nra be’ ma be guy rogon nge aw be’ ko wup rok, ni be’ ko nam rok.

Proverbs 11:30

Mat’aw e ma pi’ e yafos, machane ma’ngach e ma chuweg.

Proverbs 21:10

Girdi’ ni kireb e gubin ngiyal’ ni yad ma yim’ ni bochan e kireb; ma darir rrungyed be’.