Proverbs 10:7 - Bible Ni Thothup

⁷ Pi’in manigil e yad ra par ni bod ba tow’ath uwun’uy, machane pi’in kireb e dabi n’uw nap’an mi ni pagtilrad.

Proverbs 10:7 Referans Kwoze

Psalms 112:6

Be’ ni bfel’ e dariy bi’id nra magawon; ma dab ni pag tilin bingyal’.

Luke 1:48

Ya ke leam nigeg, i gag e re tapigpig rok ni gub sobut’! Ma chiney i yan ngaram e bay i yog e girdi’ ko urngin e mfen nike fal’eg Got wa’athag,

Mark 14:9

Ere mu ted fanmediyan ko re bugithin ney! Demturug e gin’en ni yira machibnag e Thin Ni Bfel’ ni yib rok Got riy u gubin yang u roy u fayleng, ma yira weliy murung’agen e n’en nike rin’ e re pin ney, ni fan e nge puguran e re pin ney ngan’uy.”

Psalms 109:13

Mang e yigi math mit e pi’in owchen, mang e yigni pagtalin fithingan u lan e bin bayib e mfen.

2 Kronicles 24:16

Mi ni k’eyag ngalan fapi low ko yam’ rok e pilung u lan e Binaw rok David ni bochan bugwan ko pigpig ni i tay ko girdi’ nu Israel, nge Got, nge fare Tempel.

Psalms 109:15

Mang e yigi par SOMOL ni bay u wan’ e pi denen rorad, machane mang e yugun pag tilrad!

BABYOR NI JOB 18:17

Ke math murung’agen u gubin yang; ma dakuriy be’ ni ku ra yib ngan’.

2 Kings 19:34

Bay gu yororiy e re binaw ney mu gu ayuweg u pa’ fare pilung nu Assyria, ni nggu rin’ ni bochan bugwag nge bochan e thin ni kug micheg ngak e tapigpig rog i David.’”

1 Kings 11:36

Bay gu pag ta’reb e ganong nge par u pa’ fak Solomon, ya gubin ngiyal’ ni ngi i par reb i owchen e tapigpig rog i David ni be gagiyeg u Jerusalem, ni fare binaw ni ku gu turguy ni ir e ngu’un liyor ngog riy.

Eklesiastes 8:10

Errogon, gguy e pi’in kireb ni ka ni k’ayagrad ngalan e low, ma nap’an ni gu be sul u taliw i yib ma be yog e girdi’ e sorok ngorad u lan e fare binaw ni ur ngongliyed e kireb riy. Rib m’ayfan.

BABYOR NI JOB 27:23

Be non ngulan e nifeng nga dakenrad ni yad be mil, be karmarus ngorad nga feni gelmarin ni be cham.

Jeremiah 17:13

SOMOL, I gur e lagan’ rok yu Israel; urngin e pi’in yad ra n’igem e yad ra tamra’. Yad ra m’ay nga bang ni bod fithngey nni yoloy nga daken e fiyath, ni bochan e ka ra furyed gur, ni gur SOMOL, ni fare alublub nib machalbog.

2 Kronicles 32:33

Me yim’ Hezekiah min k’eyag u ba’ ni talang ko fapi low ko yam rok e pilung. Gubin e pi girdi’ nu Judah ngu Jerusalem nrabad ra tedfan ko ngiyal’ nike yim’. Me Manasseh nib mo’on ni fak e yan nga luwan nge mang pilung.

BABYOR NI JOB 24:20

Mus ngak e chitiningin ma ke pag talin e chiney; ya ke longuy e faklud ma ke mogothgoth ni bod e gek’iy nike thig.

Psalms 34:16

machane ma togopluw ngak e pi’in yad be rin’ e kireb, ma nap’an ni yad ra yim’, mi ni pag talinrad.

Proverbs 22:1

Fa’anra ngam mel’eg e bin ni nge yag ngom, ko thim ni nge fel’ ara fla’ab ni ngari yo’or ban’en rom, ma ngam mel’eg ni nge fel’ thim.

Isaiah 14:22

Me ga’ar SOMOL ni Gubin ma Rayag Rok, “Bay gu cham nga Babylon nggu kirebnag. Bay gu pag ni dakriy ban’en riy — dab gu pag reb e bitir, ara be’ nib fos. I Gag SOMOL e gu be non.

Psalms 34:17

Ra non e pi’in nib mat’aw ngak SOMOL me motoyil; me lagrad u fithik’ urngin e oloboch rorad.

Psalms 41:5

Pi to’ogor rog e yad be yogneg nga kireb. Yad ba’adag ni nggum ngan pagtalig.