Proverbs 10:28 - Bible Ni Thothup

²⁸ L’agan’ ko pi’in mat’aw e ra fekrad i yan ko felfelan’. Ma pi’in kireb e yad be nameg e dariy.

Proverbs 10:28 Referans Kwoze

Roma 15:13

I Got ni ir e ma pi’ e pagan’ e nge suguymed ko felfelan’ nge gapas u daken e michan’ romed ngak, nge yag ni i ilal e pagan’ romed ngak u gelngin fare Kan Nthothup.

BABYOR NI JOB 8:13

Girdi’ nde nang Got e yad bod e pi uchel nem; lagan’ rorad e ra m’ay, u nap’an ni yad ra pagtalin Got.

Proverbs 11:7

Nap’an nra yim’ e pi’in kireb’, me un e l’agan’ rorad ko yam’. Pagan’ ni ngan yuluy nga daken e pi fel’ rogon e ra yib i aw ndariy.

2 Thessalonika 2:16

Somol rodad i Jesus Kristus nge Got ni ir e Chitamangidad, ni gamad ba t’uf rok e ir e ke runguydad ke ayuwegdad, ya ke pi’ e m’uthan’ ngodad nge reb e pagan’ nib muduwgil ni bay i par ndariy n’umngin nap’an,

Roma 12:12

Mpired ni be l’agan’med ngak Got nge mang ir e i tay med ni gimed ba felfelan’, mu um pired nib gum’an’med u fithik’ e tin be yib ngomed ni gimed be gafgow riy, mu um meybilgad ni gubin ngiyal’.

Roma 5:2

U daken e michan’ rodad ngak Jesus Kristus e ke fekdad Jesus Kristus riy ko runguy rok Got, ni ir e gadad bay riy e chiney. Ere gadad be felfelan’, ya ke l’agan’dad ko fla’ab rok Got ni bay da uned ngay!

Proverbs 14:32

Ngongolen e pi’in kireb e ra mulegrad nga but’, ma pi’in fel’ e ma yororiyrad farad yul’yul’.

Psalms 112:10

Pi’in kireb e ra guy ni aray rogon miyad damumuw; yad ra gat’fiy owcharad u fithik’ e fanenikan miyad chuw; tin ur athpeged e ke ma’ ngabang ni manemus.

BABYOR NI JOB 11:20

Machane pi’in kireb e bay u ra sapsapgad nike math e liyab rorad miyad pir’eg ndariy kanawo’en miyad thay. Ta’a re lagan’ rorad e yam’ ni nge taw ngorad.

Psalms 16:9

Ere gu be par ni gu ba felan’ ma bfel’ lanin’ug, ni gubin ngiyal’ nib pagan’ug;

Proverbs 11:23

N’en ni ba’adag e girdi’ ni bfel’ e gubin ngiyal’ ma fel’ e ra yib riy; ma nap’an nrayag ngak e pi’in kireb e n’en ni yad be finey, ma gubin e girdi’ nra damumuw.

Psalms 68:4

Mu tang niged Got, mon’ed e tang ni gimed be pining e sorok nga fithngan; mu fal’egned e kanawo rok e en ma yan u daken e manileng, fithngan e cha’nem e SOMOL— ngan felfelan’ u p’eowchen!

Proverbs 29:6

Girdi’ ni kireb e ke michigiyrad e den’en rorad, ma pi’in yad ba yul’yul’ e yad ba felfelan’ ma dariy ban’en ni be magawon nagrad.