Proverbs 10:17 - Bible Ni Thothup

¹⁷ Girdi’ nma motoyil ko fonow ni nge yal’uwegrad e yad ra fos, machane pi’in yad ra almit ni de kireb e rorad e yad bay u thatharen e riya’.

Proverbs 10:17 Referans Kwoze

Proverbs 6:23

Pi fonow rorow e ba magal ni be mat’; chep ni yow be tay ngom e rayag ni nge fil ngom rogon e par.

Luke 11:28

Machane me fulweg Jesus ni ga’ar, “Ri kab felan’ e pi’in kar rung’aged e thin rok Got ma kar pired ni yad be fol riy!”

Proverbs 15:10

Fa’an ga ra rin’ e n’en nib kireb, ma yira gechig nagem nib gel; ga ra yim’ ni fa’anra dab mu pag ngan yal’oweggem.

Proverbs 29:1

Fa’anra urngin ngiyal’ nra un fanow nagem ma ga be gelnag lanin’um, mra yan i reb e rran ma bay mu parde’ u but’ ni dabkum gol.

Proverbs 5:12

ma bay mu ga’ar, “Mang ni da’ug fol? Mangfan ni dagpag be’ nge yal’uwegneg?

Proverbs 3:18

Pi’in nra ur pired ni yad ba gonop e yad ba felfelan’, ya gonop e ra pi’ e yafos ngorad, ni bod rogon ba ke gek’iy ni yug be k’uf.

Eklesiastes 5:6

Dabi mang thin rom e nge waliyem ngam denen, ma ga yan mog ko prist rok Got ni gathi lanin’um ni ngamog. Mangfan ni ngam k’aring Got nge damumuw ngom? Mangfan ni ngam k’aring nge gathey e tin ka mu muruwliy?

Proverbs 12:1

En nib t’uf e llowan’ rok e ba’adag ni nganog ngak e kireb rok. Ba aliliy e en ni dabun ni ngan yal’uweg.

Proverbs 4:13

Mu tay uwun’um e n’en kamfil ni gubin ngiyal’. Tin kamfil e aram e yafos rom — mu chathowliy ni bfel’ rogon.

Hebrews 12:25

Ere, mu ayuwgad, ma dab mu dabuyed ni ngam telmed ngak e en ni be non. Ya pi’in ra dabuyed ni ngar motoyilgad ngak e cha’ ni ir e i yog e thin rok Got u roy u fayleng e de yag ni ngar thaygad ko gechig. Ere fa’an gadad ra pi’ keru’dad ngak e cha’ ni ir e be non u tharmiy ngodad, ma ra di’in ma gadad thay ko gechig!

Proverbs 4:4

mi i machib nageg e chitmag. I yog ni ga’ar, “Mu tafeniyam ko tin gu be yog ma dariy bi’id ni ngam pagtalin. Mu rin’ e n’en kugog ma ga par ni gabfos.

Proverbs 1:30

Gimed be par ndabumed ni nggu fonow nagmed ara mu telmed ngog ko ngiyal’ ni gu be yal’uwegmed.

2 Kronicles 25:16

Dawori mu’ fare profet ko numon me ga’ar Amaziah, “Mog wu’in e kan tem ni gur e tafonow rok e en pilung? Mu tal ko welthin, fa ngugog ngan li’em nga mum’!” Me tal fare profet ko welthin nga tomuren nike ga’ar, “Aram e kugnang e chiney nike turguy Got ni nge thirifem u but’ ni bochan e ka mu rin’ urngin e pin’ey ma ka mu fek yathin e fanow rog.”

Hebrews 2:1

Aram fan nthingar da chichiiyed pa’dad ko fapi thin nib riyul’ ni kad rung’aged, nge siy da man’gad riy nga orel.

Judges 19:17

Me guy fare pilibthir fare milekag u lulukngun fare binaw me fith ni ga’ar, “Kamub u uw? Ma ga be sor ngan?”

Proverbs 5:14

Ba tomgin mu gu pir’eg nike ma’fag u fithik’ e girdi’ ni yo’or.”

Proverbs 15:32

Fa’an ga ra siyeg ni ngam fil ban’en ma gur e ga be gafgow nagem. Ma fa’anra m’ag u wun’um e fanow ni yibe tay ngom mra ga’ e gonop rom.