Proverbs 1:28 - Bible Ni Thothup

²⁸ Ma aram e bay mu pininged e gonop, ma dab gu fulweg lungumed. Ra mu gayed gag u gubin yang, ma dab mu pir’eged gag.

Proverbs 1:28 Referans Kwoze

Mikah 3:4

Bay ba ngiyal’ ni be yib ni bay mu pininged SOMOL ni ba ga’ lammed, machane dabi fulweg lammed. Ma dabi motoyil ko meybil romed, ya kam ngongliyed e kireb.

James 4:3

Ma fa’an gimed ra ning ngak ma der pi’ ngomed ni bochan e ba kireb e tin ni gimed be finey ngay; ma gimed be ning bogi n’en ngak ni ngam fanayed ko tin nib kireb ni ir e gimed be yim’ ni bochan.

Zekariah 7:13

Bochan e gu non ma dar motoyilgad, aramfan ni dagu fulweg taban e meybil rorad.

Jeremiah 11:11

Ere chiney, e Gag SOMOL e gu be ginangrad ni nggu wan gu girengiy e riya’ nga dakenrad, ni dabiyag ni ngar thaygad riy. Ma nap’an e yad ra yornag e ayuw ngog, ma dab gu motoyil ngorad.

Isaiah 1:15

“Gimed ra pug pa’med ngalang ngam meybilgad ngog ma dab gu sap ngomed. Demturug gelngin e meybil ni gimed ra tay ma dab gu telig ngomed, ya ba sug e racha’ u pa’med.

BABYOR NI JOB 27:9

Gur ra taw e gafgow ngorad mra motoyil Got ko meyor rorad?

Jeremiah 14:12

I mus ni yad ra pag e abich ma dab gu telig nga lamrad ni yad be wenig ngog ni nggu ayuwegrad; ma dab ra fel’gad u wun’ug, ni mus ni yad ra pi’ ngog e gamanman ni ka ni urfiy nge grain. Ma aram e bay gu li’rad ko mael nge uyongol nge liliy.”

Psalms 18:41

Yad be yornag e ayuw, machane dariy be’ nra ayuwegrad; yad be pining SOMOL, machane dar fulweg lungurad.

Ezekiel 8:18

Bay ra thamiyed ga’ngin gelngin e damumuw rog. Dab gu pag bagyad nib fos fa gudag boch’uw e murnguy ngak bagyad. Bay ra meybilgad ngog ni yad be tolul ni kari musmus ga’ngin lungrad, machane dab gu motoyil ngorad.”

BABYOR NI JOB 35:12

U ra yor niged e ayuw, ma de fulweg Got taban, ni bochan e yad ba tolngan’ ma ba kireb e leam rorad.

1 Samuel 8:18

Ra yan i taw ko ngiyal’nem ma rib gel e gun’gun’ ni bay um ted ni bochan e pilung romed, niki gimed e mu duwgiliyed, machane SOMOL e dabi motoyil ko gun’gun’ romed.”

Proverbs 8:17

Ba t’uf rog e pi’in gu bt’uf rorad; en nra gayeg e ra piri’egeg.

Genesis 6:3

Me ga’ar SOMOL, “Dab gu tay e girdi’ ngar pired ni yad bfos ndariy n’umngin nap’an, ya dowrad e ra yim’. Chiney i yan nga m’on e dab kur pired ni yad bfos nge pag 120 e duw yangarrad.”

Hosea 5:15

“Bay gu digey e girdi’ rog nge mada’ ko ngiyal’ nike gaman e gafgow rorad ni puluwon e denen rorad miyad gayeg. Sana yad ra gafgow miyad guy rogon ni ngar pir’eged gag.”

Psalms 66:18

Fa’anra mang e gu sabalbalyang ko pi denen rog, ma dabi motoyil SOMOL ngog.

Proverbs 15:29

Nap’an nra meybil e girdi’ ni bfel’ me motoyil SOMOL, machane ma sabalbalyang ko pi’in kireb.

Tang Ko Pitang 5:6

Gu bing e mab ngak gamareg, ma dakimo’ nike yan. Kargum’ ni bochan ni nggu rung’ag laman! U gu changarnag i yan mada gu pir’eg; U gu pining made fulweg lungug.

Hosea 5:6

Rayag ni ngar feked e saf rorad nge garbaw ngar pi’ed ni maligach ngak SOMOL, machane dariy angin ngorad. Dabiyag ni ngar pir’eged, ya ke chuw rorad.

Deuteronomy 1:45

Ma aram mi gimed tolul ngalang ngak SOMOL ni nge ayuwegmed, ma daki motoyil ngomed.

Psalms 18:42

Kug parsiyrad, kar ngal’gad ni ab nra thoyrad e nifeng miyad chuw. Gu be yot’yot’rad ni bod e bar u lan yupa’ i kanawo’.

Amos 8:12

Girdi’ e bay ra deraw gad u bang e day nga bang miyad cheal riy ko lel’och i yan ko ngek. Bay ur gayed u gubin yang bbugithin nike yib rok SOMOL, machane dab ra pir’eged.