Proverbs 1:11 - Bible Ni Thothup

¹¹ Fa’an mang e yad ra ga’ar ngom, “Moy, ngdarod da guyed be’ ngad li’ed ngem’! Ngad oggad ngak e pi’in ndawor ra bucheged ban’en ni fan e ngad minmingad ngay!

Proverbs 1:11 Referans Kwoze

Jeremiah 5:26

“Girdi’ nib kireb e yad be par u fithik’ e girdi’ rog; yad be pach yad be son ni bod e girdi’ nma pag e nug ni nge kol e arche’ ngay, machane wup ni yad be tay e girdi’ e ngar koled ngay.

Proverbs 1:18

Machane girdi’ ni aram rogon e yad be tay e wup ni yad e ngar awgad ngay, ba wup ni ngarm’ad riy.

Proverbs 12:6

Thin ko girdi ni kireb e ma thang e pogofan, ma thin ko pi’in mat’aw e ma ayuweg e pi’in ke man e lang ngorad.

Acts 25:3

ni nge ayuwegrad nge fek Paul i yib nga Jerusalem, ya kar makath niged Paul ni ngan li’ ngem’ u kanawo’.

Acts 23:15

Ere gimed nge girdi’en e mu’ulung e nga mol’iged e thin nge yan ngak fare pilungen e salthaw nu Roma nge fek Paul i yib ngomed nga pe’ning, ni susun e gimed be guy rogon ni ngar mu nanged e tin riyul’ ni murung’agen. Machane bay gu fal’eged rogomad ni nggu thanged e pogofan rok ndawori taw ngaray.”

Mikah 7:2

Dariy ta’abe’ nike magey u daken e re nam ney nder sasaliyeb, ma dariy be’ riy nib yul’yul’ ngak Got. Ya yad gubin ni karm’ad. Urngin e girdi’ nra be’ ma yugu be son ni gomanga yigi bung rogon nge thang e pogofan. Gubin e girdi’ nra be’ ma be guy rogon nge aw be’ ko wup rok, ni be’ ko nam rok.

Jeremiah 11:19

Gu bod rogon ba saf nib sumnguy nni pow’iy i yan ni ngan li’ nge yim’, dagnang ni gag e yad be tanomnag e kireb ni nge togopluw ngog. Ra ga’argad, “Ngad thab’ed e re ke gek’iy ney nga but’ ni kabay wom’ngin; ngad thanged owchen nge par ni dakriy be’ ni ku ra yib wuran ngan’ bi’id.”

Proverbs 30:14

Bay boch e girdi’ ni kemang i tay ngorad ni yad ma gafgownag e pi’in gafgow nge pi’in nib t’uf e ayuw rorad ni bochan e nge yag gubin ban’en ngorad.

Proverbs 1:16

Ya dabiyag ni ngar pired ni nge dab rrin’ed ban’en nib kireb; ya gubin ngiyal’ ni yad be leamnag ni ngar thanged e pogofan.

Psalms 56:6

Yad be cheag ngu’ur pachgad, ngu’ur damit niged urngin e tin gu be rin’, ni yad be nameg ni ngar thanged e pogofan rog.

Psalms 35:7

Dariy tapgin ni karted e wup ni nggu aw ngay ma kar kired ba low nib to’ar ni nggu mul ngay.

Psalms 17:12

Yad bod bogi layon, ni yad be son nigeg, ni yad ba’adag ni ngar popofedgag ni nochyang.

John 15:25

Machane thangri aw ni aray rogon, ya nge yib i m’ug nib riyul’ e tin kan yoloy ngalan e Motochiyel rorad ni ga’ar, ‘Kar fanenikayed gag ndariy tapgin.’

Proverbs 24:15

Dab mbod be’ nib kireb nma guy rogon ni nge mro’ro’ ko girdi’ ni yul’yul’ ara fek e tabnaw rorad u pa’rad.

Proverbs 29:24

Cha’ ni un ngak be’ nib mororo’ ko mororo’ e ir e ra bannag ir. Yira gechignag ni fa’anra yog e tin rriyul’ u tafen e puf oloboch, mra dabi yog e tin riyul’ mra bucheg Got wa’athan.