Obadiah 1:7 - Bible Ni Thothup

⁷ Pi’in gimed ngabang e kar ban niged gimed; kar tulfed gimed nga wuru’ e nam romed. Girdi’ ni urmed nib gapas thilmed e kar koled gimed e chiney. Fapi fager ni um abichgad u ta’bang e kar ted e wup ni ngam awgad ngay; yad be yognem ni yad be ga’ar, ‘Bu uw fapi luguy rok?’

Obadiah 1:7 Referans Kwoze

Psalms 41:9

Mus ko en nri gamow bpach, ni en nri ma pagan’ug ngak, ni be’ ni gamow ma abich u ta’bang, nike cheal ke togopluw ngog.

Jeremiah 49:7

Irera’ e n’en ni yog SOMOL ni Gubin ma Rayag Rok u murung’agen yu Edom: “Gur, girdi’ nu Edom e ke man lanin’rad? Gur, dakir yog e pi tafanow rorad e n’en ni ngar rin’ed? Gur, gubin e gonop rorad ma ke chuw?

Jeremiah 30:14

Urngin e pi fager romed ma kar paged talinmed; ni dakrir fineyed gimed. Ku gu og ngomed ni bod ba to’ogor; gechig romed e ba gel ni bochan e denen romed nib pire’ mab ga’ e kireb romed.

John 13:18

“Gathi gimed gubin ni gu be weliy murung’agmed; gu manang e pi’in kug mel’egrad. Machane thangri yib i m’ug nib riyul’ e tin ke yog e babyor nib thothup nike ga’ar, ‘Fare mo’on ni i kay e ggan rog e ke cheal ke togopluw ngog.’

Hosea 13:13

Israel e bay kanawo’en ni nge fos, machane rib gel feni balyang ni gathi ra yan ko re wo’nem, ni bod bbitir nike taw nga nap’an ni nga ni gargeleg, ma be siyeg ni nge yib nga wean!

Lamentations 1:19

“Gu pining e pi’in gamad nga bang, miyad siyeg ni ngar ayuwegedgag. Pi prist nge pi tayugang’ e karm’ad u lan e kanawo’ u lan binaw, Ko ngiyal’ ni yad be changarnag e ggan ni nge yag nra pired ni yad bfos.

Jeremiah 38:22

Mu sap! Urngin e pi ppin nike magey u lan tafen e pilung nu Judah e ka ni fekrad i yan ko pi tolang ko salthaw rok e pilung nu Babylon. Mu telim ko thin ni yad be yan ma yad be yog ni be lungurad, ‘Pi fager rok fare pilung e ka ra lobochiyed, ke mang yad e yad be gagiyegnag. Ma chiney nike rich e rifrif u ay nga fithik’ e rungdu’, me yan fapi fager rog ngar n’iged.’”

Jeremiah 20:10

Gu ma rung’ag laman e girdi’ ni pire’ ni yad ma kathkath, ni be lungurad, “Gafgow nib gel e bay u gubin yang! Ere ngad eg niged e cha’nir ko pilung!” Mus ngak e pi’in nri gamad ba pach ni yad be sonnag ni yiggu thor. Be lungurad, “Sana rayag ni ngan bannag, me yag nda koled ngad fulweged taban ngak e tin ni be yog.”

Jeremiah 4:30

Jerusalem, gafgow gur! Mang ni ngamon’ e mad ni row nga dakenam? Mang ni ka mu nunuw ko churwo’ ma ka mu achay owchem? Ka mu ngongliy rogom ka mu pidorang ni dariy fan! Pi ilingem e ka ra furuyed gur ma yad be finey ni gomang e ni thang e fan rom.

Isaiah 27:11

Papa’ngin e gek’iy e ke l’ud be m’ingm’ing, be kunuy e pi’in ppin ni nge mang l’ud. Bochan e dar nang e girdi’ fan ban’en, me’ere Got ni En ni Sunumiyrad e bay dabki kirban’ ngorad ara dag bochu’uw i marunguy ngorad.

Psalms 41:10

SOMOL, mu runguyeg ngam gol nigeg, ya nggu fulweg taban e kireb ko pi to’ogor rog.

Hosea 7:11

Yu Israel e yad be so’og’og ni bod ba arche’ ni bulogol nib man lanyan’; som’on riy me man ayuw e girdi’ nu Israel nga Egypt, miyad cheal ngar milgad nga Assyria!