Obadiah 1:18 - Bible Ni Thothup

¹⁸ Girdi’ rok Jakob nge Josef e yad ra bod e nifiy, yad ra thang mit e girdi’ rok Esau ni bod e nifiy ni urfiy e chabung. Dariy reb i owchen Esau nra magach nib fos. I Gag SOMOL e kugog e pi thin ney.

Obadiah 1:18 Referans Kwoze

Zekariah 12:6

“Rofen nem e bay gu tay e fa yuke girdi’ nu Judah ni bod ba nifiy u loway fa lan bang i flang nike el wom’ngin e grain riy. Bay rthanged mit e girdi’ u gubin e pi nam nib liyegrad. Ma girdi’en yu Jerusalem e bay ur pired ni dabi buch ban’en rorad.

Isaiah 10:17

Got, ni fare tamilang rok yu Israel, e bayi ngal’ ni nifiy. Got nthothup nu Israel e bayi ngal’ ni daramram, nu lan ta’reb e rran me urfiy urngin ban’en, ni mus ko rachngal nge pan ni makankan.

Mikah 5:8

Ma ku yad ra bod ba layon ni be gay e ggan ni nge kay u fithik’ e gerger ara gin bay e pan riy nma kay e gamanman. Bay i yan nga fithik’ e saf ngi i og ngorad nge popofrad, ma dariy be’ nra ayuwegrad rok.

Ezekiel 37:19

Ma ngamog ngorad ni Gag SOMOL ni Th’abi Tolang e bay gu fek e ley ni ba’aram e gek’iy ni be yip’ fan yu Israel nggu pethuy ko ley ni ba’aram ni be yip’ fan yu Judah. Bay gu ngongliy ta’ab ley i gek’iy ko gal ley i gek’iy ney nggu kol u lan pa’ag.

Isaiah 5:24

Ere chiney, e ri bod e kenggin e uchel nge pan nike mlik ni be yik’ u fithik’ e nifiy, lik’ngimed e bayi malad ma mak’uf romed e bayi fengfeng nge changag ngabang, ni bochan e ka mu n’iged SOMOL ni Gubin ma Rayag Rok, ni fare Got nib thothup nu Israel.

1 Korinth 3:12

Boch e girdi’ e bayi maruwel ko gol, ara silber, ara manang nib tolang puluwon ngar dimowgad nga daken e re def nem; ma boch e girdi’ e bay maruwel ko ren, ara pan, ara kenggin e komey.

Nahum 1:10

Bod yu pa’ i rachangal nike ololoboch ko pan nike mlik’ gimed e pi ta chingaw’ e bay ni urfiymed!

Obadiah 1:16

Girdi’ rog e kar unumed ba kap i gechig nib mo’oy u daken e burey rog nib thothup. Gubin e pi nam nib liyeg e kabgel e mo’oy ni yad ra unum ko fare kap ko gechig; yad ra unum nge m’ay miyad m’ay ngabang.

Amos 6:6

Gimed be unum e wayin ni yu dabiy, ma gimed be thiy ko tin th’abi fel’ e florida, machane da mur yor niged e mogothgoth nike tay yu Israel.

Amos 5:15

Mu fanenikayed e tin nib kireb, me t’uf romed e tin ni bfel’, ma ngam guyed ni tin nib mat’aw e ngan rin’ u tafen e puf oloboch. Ma SOMOL e sana ra runguy e girdi’ ko re nam ney ni pi’in kar mageygad ndar m’ad.

Joel 2:5

Yad be tim’og u daken e pi burey i yan, ni gowa lingan e pi chariot; ara bod lingan e pan nib mlik’ ni aw e nifiy ngay. Kar k’afgad ni bod baraba’ i salthaw ni pire’ ni pire’ ni kar fal’eged rogorad ni ngranod ko mael.

Ezekiel 37:16

I ga’ar, “Fak e girdi’, mu fek ba ley i gek’iy ngam yoloy e pi thin ni ba’aray nga daken: Nam nu Judah. Mu kum fek ba ley ngam yoloy e pi thin ni ba’aray nga daken: Nam nu Israel.

Isaiah 47:14

“Bay ra boded chabngen e ro’uy, ma ba nifiy e ra orfegrad! Dariy bagyad nrayag ni nge ayweg ir riy daramram riy e kay gi gowal ngorad, gathi bochi nifiy ni ngu’ur rorgad riy.

Isaiah 31:9

Emperor rorad e bayi mil nike rus, ma pi tolang ko salthaw e bayi gel e marus ngorad ngar n’iged e yungi flak ni yad ma fek ko mael.” I SOMOL e be non, fare SOMOL ni yima liyor ngak u Jerusalem, ma nifiy rok e be gak’ u rom ni fan ko maligach.

Isaiah 9:18

Kireb ko girdi’ e be yik ni bod e daramram nma urfiy e pan ni bay e rachangal riy. Be mo’oruf ni bod e nifiy u lan e loway nma gabulbul e ath riy ngalang.

Isaiah 9:19

Bochan e damumuw rok SOMOL ni Gubin ma Rayag Rok, me mo’oruf daken e but’ ma girdi’ e mang ma’af ko nifiy; ndakuriy be’ ni yag ni ayweg walagen.

Jeremiah 11:23

Ku gu duwgiliy e ngiyal’ ni nggu fek e riya’ i yib nga daken e girdi’ nu Anathoth, ma nap’an nra taw ko ngiyal’n’em, ma dariy ta’bagyad nra magay nib fos.”

Amos 1:8

Bay gu chuweg e pi’in yad be gagiyeg ko pi binaw nu Ashdod ngu Ashkelon. Bay gu gechignag e binaw nu Ekron, ma urngin piyu Filistia ni kar mageygad e bay ram’ad.”

Malaki 4:1

I SOMOL ni Gubin ma Rayag Rok e be ga’ar, “Nap’an ni bayi taw ko fare rran ma bayi mo’oruf e pi’in tolngan’ nge girdi’ ni kireb e leam rorad ni bod e pan nike mlik’. Rofen nem e yad ra mo’oruf ni dariy bochyang rorad nra magay.

Exodus 5:12

Ma aram me wear e girdi’ nu Israel u daken e nam nu Egypt ni yad be sapnag e pan ni mlik.