Obadiah 1:16 - Bible Ni Thothup

¹⁶ Girdi’ rog e kar unumed ba kap i gechig nib mo’oy u daken e burey rog nib thothup. Gubin e pi nam nib liyeg e kabgel e mo’oy ni yad ra unum ko fare kap ko gechig; yad ra unum nge m’ay miyad m’ay ngabang.

Obadiah 1:16 Referans Kwoze

Joel 3:17

“Gimed piyu Israel, e aram e bay mu nanged ni Gag e SOMOL ni Got romed. Gu be par u Zion, u daken e burey rog nib thothup. Jerusalem e bayi par nib binaw nib thothup; ma girdi’ nu bang e dabkiyag ni ngar koled yu Jerusalem bayay.

Jeremiah 49:12

“Fa’anra mus ngak e pi’in dariy rogon ni ngan gechignag ma dabisiy ni ngar unumed e n’en ni bay ko fare kap ko gechig, ma gimed be leamnag ni gimed ra thay ko gechig? Danga’, thingar mu unumed e n’en ni bay ko fare kap!

1 Peter 4:17

Ya ke taw nga nap’an ni nge tabab e pufthin, ma pi’in girdi’en Got e yad e som’on ni ngan pufthin nagrad. Ere fa’anra gadad e nge tabab rodad, ma uw rogon nra yan i mus ngak e pi’in nder pagan’rad ko fare Thin Ni Bfel’?

Habakkuk 1:9

“Salthaw rorad e bay ur gelgad i yan, ra yad be yib ma gubin e girdi’ nike rus ngorad. Girdi’ ni bay ra koled e yad pire’ ni bod e yan’ ndabiyag i the’eg.

Isaiah 42:14

Be ga’ar Got, “Ke n’uw nap’an ni ug par ni kug th’ab gulungag; nda ug fulweg lungun e girdi’ rog. Machane ngiyal’ ni nggu maruwel riy e ke taw nga nap’an e chiney; gu be non ni ba ga’ lungug ni bod be’ ni bpin ni nge gargel.

Lamentations 4:21

Um minmin gad, gimed e girdi’ nu Edom ngu Uz; ma gimed be felfelan’ e chingiyal’ n’ey ni ku rayag. Ya ku be yib e biromed e riya’; gimed mabay kum thigthiggad ni dariy e mad u dakenmed ni kam tamra’gad.