Obadiah 1:12 - Bible Ni Thothup

¹² Thangri dab mu girig ngak pibe’ rom nu Judah ko buch wa’athan ni kar ted. Thangri dab mu felfelan’ e rofen nem ni pil nga pa’rad. Thangri dab mu minmin ngorad ko buchbuchan’ ni kar ted.

Obadiah 1:12 Referans Kwoze

Mikah 4:11

Pire’ e nam ni kar mu’ulung gad ni ngar cham gad ngomed. Be lungurad, “Thingar ni thirif yu Jerusalem u but’! Bay da guyed nike mogothgoth!”

Ezekiel 35:15

nri bod rogon ni u mu felfelan’ ko mogoth ni tay yu Israel ni gag e suwog. Burey nu Seir, nge ga’ngin e nam nu Edom, e bayi mogothgoth. Ma aram e bayi nang gubin e girdi’ ni Gag fare SOMOL.”

Proverbs 17:5

Fa’anra um dariyfannag e girdi’ ni gafgow, ma ga be darifannag Got ni ir e sunmiyrad. Yira gechig nagem ni fa’anra i felfelan’um ko gafgow nike aw ngak be’.

1 Samuel 2:3

Mu taleged e thin ni gimed be yog ni ba ga’ lammed ni gimed e soromed; ngam th’abed gulungumed ndab ku mu weliyed e thin ko ufanthin. Ya SOMOL e ba Got ni manang urngin ban’en, me ir e ma thabthabelnag urngin e tin be rin’ e girdi’.

2 Peter 2:18

Yad ma yog e thin ni ufanthin nge thin ko balyang, ma yad be maruwel nga ngongolen e darngal ni be ar’arnag e dowef rorad ni fan e nge aw ko wup rorad e pi’in ka fini chuw u fithik’ e girdi’ nike oloboch.

Jude 1:16

Pi girdi’ nem e gubin ngiyal’ ni yad ma gun’gun’ ma yad be yin’ e kireb nga daken boch e girdi’; ma tin nib kireb ni be ar’arnag dowrad e yad ma fol riy; ma yad ma weliy murung’agrad ni yad e sororad; ma yad be pi’ boch e girdi’ ngalang ko thin ni fan e nge yag ngorad e tin yad be finey.

Psalms 37:13

Ma SOMOL e be minmin u wan’ ngak e en nib kireb, ya manang ndabki n’uw nap’an me math e fan rok.

Psalms 31:18

Mu th’abgulungan e pi felfel’lugun nem — gubin e pi’in tolngan’ ma yad ba ufanthin ni yad be non ni yad be dariyfannag e pi’in nib mat’aw.

Psalms 22:17

Urngin e yil u dowag nike m’ug, pi to’ogor rog e yad be changar ngog ni kar lik’athgad.

BABYOR NI JOB 31:29

Dariy bi’id nike gafgow e pi to’ogor rog me felan’ug ngay, ara buch ban’en rorad nib gel e gafgow riy mu ggirig u wun’ug ngorad;

Revelation 13:5

Re gamanman nem e kan pag ni ngi i yog e thin nrib th’abi kireb, ni ba uf ngay ma ba togopluw ngak Got, ma ku errogon ni kan pag ni nge par nge yog e thin ni aningeg i ragag nge l’agruw e pul.

James 3:5

Ireray rogon bolowthey: aram feni achig, ma rayag ni nge weliy u fithik e ufanthin murung’agen bogi n’en ni ba ga’. Aygum tafinay niged bangi garger nib ga’ ni ba ga’ yang nrayag ni ngan urfiy nga bochi daramram nrib achig!

Luke 19:41

Me chuchugur i yib ko fare binaw, ma fa’ani guy me yornag,

Lamentations 4:21

Um minmin gad, gimed e girdi’ nu Edom ngu Uz; ma gimed be felfelan’ e chingiyal’ n’ey ni ku rayag. Ya ku be yib e biromed e riya’; gimed mabay kum thigthiggad ni dariy e mad u dakenmed ni kam tamra’gad.

Isaiah 37:24

Kam l’oeg e pi tapigpig rom ngar thin ni ufanthin gad ngog ni gubin e chariot rom e ka mu kol ko pi burey ntotolang u Lebanon. Ma kag be yog nu rom e bay mu th’ab e tin th’abi nun’uw e gek’iy ni cedar riy nge tin th’abi fel’ e gek’iy ni cypress, ma kam taw ko yungin thabi to’ar u lan e loway.

Psalms 92:11

Kug guy e pi to’ogor rog ni kar waergad ma kug rung’ag e meyor ko pi’in kireb.

Psalms 59:10

Got rog e gub t’uf rok ma bayib ngog; mra pageg ngguy e pi to’ogor rog ni kar mo’waergad.

Psalms 54:7

Ya kam chuwegeg u fithik’ urngin e oloboch rog, ma kug guy e pi to’ogor rog ni kar waergad.

BABYOR NI JOB 18:20

Gubin e girdi u lan e ngek nge mada’ ko ngal e yad ra rung’ag e tin ke buch rok e go’ yad ra dada’ miyad t’on ni marus.

Psalms 35:15

Machane nap’an ni l’ag e oloboch ngog, ma go’ ra felan’gad miyad mu’ulung ngu’ur minmingad ngog; be pirdi’iyeg e pi’in dagnang owcharad ni dariy e toffan.

Lamentations 2:16

Urngin e to’ogor ma yad be moning nagem yad be changar ngom u fithik’ e fananikan. Ni yad be thilpiriy l’ugunrad ma yad be kirebnag owcharad ma yad be ga’ar, “Kad thirifed u but’! Irera’ fare rran ni ku’ud son niged!”

Ezekiel 35:12

Ma aram e bay mu nang ni Gag SOMOL e gu rung’ag fiti lungum, ni mog ni burey nu Israel e darkiy ban’en riy ma bmil fan ngom ni ngam ful’.

Ezekiel 36:5

“I Gag SOMOL ni Th’abi Tolang, e kug welthin u fithik’ gawelngin e damumuw rog nib togopluw ngak fapi nam ni yad ba liyegmed, ma rib ga’ nib sor fan ngak yu Edom. U fithik’ e minmin nge girigan’ miyad kol e but’ rog nge gel farad ko yungi tagil’ e abich ko gamanman riy.