Numbers 9:5 - Bible Ni Thothup

⁵ me yan i blayal’ ko rofen ni ragag nge aningeg ko bin m’on e pul miyad rin’ ni aramrogon u lan e ted u Sinai. Fapi girdi’ e rin’ed urngin ban’en ni bod ni yog SOMOL ngak Moses.

Numbers 9:5 Referans Kwoze

Joshua 5:10

Nap’an nike par piyu Israel u Gilgal u daken fa gi tafelfel’ nib chugur nga Jeriko, miyad madnomnag e madnom ko Paluk’af ko re nep’ i n’en ni ragag nge aningeg fen e pul.

Hebrews 11:8

Michan’ rok Abraham ngak Got e ir e pow’iy Abraham nge fol ko thin ni yog Got ngak fa ngiyal’nem, nge yan ni be lek ba nam ni keyog Got ni bayi pi’ ngak. I pag e nam rok nge yan nde nang e gin’en ni be sor ngay.

Hebrews 3:5

Mi Moses e immoy nib yul’yul’ u lan e tabinaw rok Got ni polo’. Immoy ni ir reb e tapigpig rok Got mi i weliy murung’agen e pin’en ni kabay ngam’on ni bay fini yog Got.

Acts 26:19

“Agrippa ni Pilung, gathi da gu fol ko tin ni gguy ni yib u tharmiy.

John 15:14

Ma gimed e pi tafager rog, ni fa’an gimed ra rin’ e tin kug ning chiylen ngomed.

Matthew 28:20

mi gimed fil ngorad rogon ni ngu’ur folgad u gubin e tin kugog ngomed ni ngu’um rin’ed. Ma dab mpaged talin ni gubin ngiyal’ ma gu bay romed, nge yan i mada’ nga tomuren e fayleng.”

Deuteronomy 4:5

“Kug fil ngomed urngin fapi motochiyel nrogon ni yog SOMOL ni Got rog ngog ni nggu fil ngomed. Ngu’um folgad riy u lan e re nam ni ba’aram ni ngam koled ngam pired riy.

Deuteronomy 1:3

Rofen ni som’on ko pul ni ragag nge ta’reb ko duw ni gaman aningeg i ragag nga tomuren ni kar chuwgad u Egypt, me weliy Moses ngak piyu Israel urngin ban’en nike yog SOMOL ngak ni nge weliy ngorad.

Numbers 29:40

Aram me yog Moses ngak yu Israel urngin e tin ni yog SOMOL ni ngan rin’.

Numbers 8:20

Ma aram e Moses, nge Aron, nge urngin e girdi’ nu Israel e rrin’ed gubin fa pin’em ngak e pi Levite nri bod rogon ni yog SOMOL ngak Moses ni ngan rin’ ngorad.

Exodus 39:42

Piyu Israel e kar mu’ niged urngin e pi maruwel ney ni bod rogon nike yog SOMOL ngak Moses.

Exodus 39:32

Gubin e maruwel ko fare Tent u p’eowchen SOMOL e kan mu’nag. Girdi’ nu Israel e kar ngongliyed gubin ban’en riy nri bod rogon ni yog SOMOL ngak Moses ni ngan rin.

Genesis 7:5

Me rin’ Noah urngin e tin keyog SOMOL ngak ni nge rin’.

Genesis 6:22

Me rin’ Noah urngin e tin ni yog Got ngak ni nge rin’.

Numbers 9:4

Aram me yog Moses ngak e girdi’ ni ngar madnom niged fare Paluk’af,

Exodus 12:50

Gubin piyu Israel nra folgad riy ngar rin’ed e tin keyog SOMOL ngak Moses nge Aron.

Numbers 1:54

Aram me rin’ e girdi’ nu Israel gubin ban’en nike yog SOMOL ngak Moses.