Numbers 8:12 - Bible Ni Thothup

¹² Me tay e pi Levite rifrifen pa’rad nga daken lolugen fa gal garbaw ni pumo’on; reb e ngan pi’ nib maligach ni fan ko denen ma reb e nge mang ba maligach ni mo’oruf, ni aram bangbengin ni nge machalbog e pi Levite.

Numbers 8:12 Referans Kwoze

Exodus 29:10

“Mag fek fare garbaw ni pumo’on nga m’on ko fare Tent u p’eowcheg, ma gog ngak Aron nge pi pumo’on ni fak ngar ted pa’rad nga daken lolugen.

Hebrews 9:22

Rriyul’, nrogon ko fare Motochiyel e oren ban’en e yibe be’echnag ko racha’; ma denen e be n’ag Got fan rok e girdi’ ni kemus ni fa’anra ni pu’og e racha’.

Levitikus 8:14

Ma aram me fek Moses fare fak e garbaw ni pumo’on nib maligach ni fan ko denen, me tay Aron nge fapi pumo’on ni fak pa’rad nga daken lolgen fare gamanman.

Levitikus 1:4

Facha’ e nge tay pa’ nga daken lolgen fare gamanman, ma aram e ra magan’ SOMOL ngay ni nge mang bayul ko denen rok fa’anem.

Numbers 8:8

Ma aram miyad fek ba fak e garbaw ni pumo’on nge fare maligach ni grain ni aram e flour ni kan athkuy e gapgep ni olive ngay; me gur e ngam fek reb e garbaw ni pumo’on ni fen fare maligach ko denen.

Numbers 6:16

Ma fare prist e nge pi’ e pin’ey ngak SOMOL ni nge pi’ e maligach ni fan ko denen nge maligach ni mo’oruf.

Numbers 6:14

ngam pi’ ngak SOMOL dalip i gamanman ndariy bochiyang u downgirad nib kireb: ba pifak e saf nib pumo’on nta’reb e duw yangren ni nge mang maligach ni mo’oruf, nge ba fak e saf ni bpin ni ku ta’reb e duw yangren ni nge mang ba maligach ni fan ko denen, nge ba saf ni pumo’on ni nge mang maligach nma gapaseg thilin Got nge girdi’.

Levitikus 16:21

Ma nge tay pa’ nruw raba’ nga daken lolugen me weliy urngin e kireb, nge denen, nge togopluw ni be tay yu Israel, ni aram e ke chuweg u dakenrad ke tay nga daken lolugen e re kaming nem. Ma aram e ngan tuluf fare kaming i yan ngalan e ted ni desert ni be’ ni kan duwgiliy e ir e nge tuluf e re kaming nem.

Levitikus 16:11

Nap’an nra li’ Aron fare garbaw ni pumo’on ni maligach ko denen rok nge girdi’ ko tabinaw rok,

Levitikus 16:6

Som’on e nge pi’ Aron ba garbaw ni pumo’on nge mang maligach ni nge chuweg e denen rok nge denen ko girdi’ nu tabinaw rok.

Levitikus 14:22

Nge l’agruw i arche’ ni dove ara l’agruw e blogol, reb e ba maligach ni fan ko denen, ma reb e ba maligach ni mo’oruf.

Levitikus 9:7

Ma aram me ga’ar Moses ngak Aron, “Mman ko fare altar ngam pi’ fare maligach ni fen e denen nge fare maligach ni mo’oruf ni nge chuweg e denen rom nge denen ko girdi’. Mu pi’ e re maligach ney ni nge chuweg e denen ko girdi’, nri bod rogon nike yog SOMOL.”

Levitikus 8:34

Tin kug rin’ed e daba’ e SOMOL e keyog ngomad ni nggu rin’ed; ni bochan e nge chuw e denen romed.

Levitikus 8:18

Me migid me fek Moses i yib ba fak e saf ni pumo’on ni nge mang maligach ni mo’oruf, me tay Aron nge fapi pumo’on ni fak pa’rad nga daken lolgen fare saf.

Levitikus 5:7

Machane fa’anra dabiyag puluwon ba saf ara ba kaming rok, ma thangri fek l’agruw e arche’ ni dove ara l’agruw i bulogol i yib ngak SOMOL ni puluwon e denen rok. Reb e nge mang maligach ko denen ma reb e nge mang maligach ni mo’oruf.

Levitikus 4:35

Ma aram me chuweg urngin e mam riy, nri bod rogon ni yima chuweg e mam ko fare saf ni maligach nma gapaseg thilin Got nge girdi’. Me urfiy fare prist fapi mam u daken e altar nib mu’un ko pi ggan ni maligach ni kan ognag ngak SOMOL. Aray rogon ni ngi i pi’ fare prist e bayul ni fan ko denen rok be’ min n’ag fan rok.

Levitikus 4:20

Rogon i bangbangnag ere garbaw ney e bod nni rin’ ko fa binem e garbaw ni maligach ni fan ko denen, ni aram kanowa’en e maligach ni nge ngongliy ni fan ko denen ko girdi’, min n’ag fan rorad.

Levitikus 4:4

Thangri fek i yib fare garbaw nga langan e mab ko fare Tent, me tay pa’ nga daken lolgen, min li’ nge yim’ u p’eowchen SOMOL.

Levitikus 4:15

ma pi’in yad ma yog e thin rorad e ngar ted pa’rad nga daken lolgen fare gamanman, min li’ ngem’ u rom.

Numbers 8:13

“Mu pi’ ngog e pi Levite nib tow’ath nib mal’eag, ma ga tay Aron nge pumo’on ni pifak ni yad e ngrogned e n’en ngu’ur rin’ed.

Levitikus 8:15

Me li’ Moses fare gamanman nge yim’ me fek boch i racha’en nga bugili pa’ nge thiy ko fapi gagey u tabthungen fare altar, ni aram e be ognag ngak SOMOL. Me pu’og e tin ke aw ko fapi racha’ nga enggin fare altar, aram rogon ni machalbognag me pi’ ngak SOMOL.