Numbers 6:15 - Bible Ni Thothup

¹⁵ Ma kag ra pi’ ni maligach ba dug i flowa ni kan lith ndariy e is riy: ni bogi lof nib dub’ag ni kan ngongliy ko flour ni kan athkuy e gapgep ni olive ngay nge yochi kek ni kan achey e gapgep ni olive nga daken, nge maligach ni grain nge wayin ni yigagen.

Numbers 6:15 Referans Kwoze

Levitikus 2:4

Fa’anra flowa nni lith u lan e ba oven e ngam pi’, ma thangar mu ngongliy ni dariy e is riy. Rayag ni nge par ni bogi lof nni ngongliy ko flour ni kan bilig min aruy ko gapgep ni olive ara bogi kek nib gilgith ni kan liyef ko gapgep ni olive.

Exodus 29:2

Mag fanay e tin th’abi fel’ e flour ni wheat ndariy e is riy, mag ngongliy boch e flowa ni bay e gapgep ni olive riy, nge boch ndariy riy, nge boch e flowa ni bod e kek nib gilgith ni kan achey e gapgep ngay.

Numbers 15:10

ma ku ra dachuguy aningeg e pint e wayin ngay. Rib fel’ u wan’ SOMOL bon e pi ggan ni maligach ney.

1 Korinth 11:26

Ya ngu’um weliyed murung’agen e yam’ ni tay Somol ko ngiyal’ ni gimed ra kay e re flowa ney mi gimed unum e n’en ni bay ko re kap ney nge yan i mada’ ko ngiyal’ ni bayi sul Somol riy.

1 Korinth 10:31

Demturug e n’en ni gimed ra rin’, ndemturug ko ngam abichgad ara ngam garbodgad, ma urngin ni ngam rin’ed ni fan e nganog e sorok riy ngak Got.

Joel 2:14

Ma sana ra thilyeg SOMOL ni Got romed laniyan’ nge fal’eg wa’athmed u wom’ngin e woldug romed. Ma aram e rayag ni ngam pi’ed ngak e grain nge wayin.

Joel 1:13

Gimed e pi prist ni gimed ma pi’ fapi maligach u daken e altar e nga mon’ed nga dakenmed e mad ni tutuw ngam yorgad, marod ngalan e Tempel ngam yorgad ni polo’ e nep’! Dariy e grain ara wayin ni ngam pi’ed ngak e Got romed.

Joel 1:9

Dariy e grain nge wayin ni ngan pi’ u Tempel; ma be yor e pi prist ni bochan e dariy e n’en ni ngar pi’ed ngak SOMOL.

Isaiah 62:9

Ya gur ni mu yung e grain mag t’ar wom’ngin ga ra kay e flowa ma ga pining e magaer ngak SOMOL. Me gur nim yung e grape mu’um kunuy e ga ra unum e wayin u lan e yoror ko Tempel rog.”

Levitikus 9:4

nge ba garbaw ni pumo’on nge ba saf ni pumo’on ni nge mang maligach nma gapaseg thilin Got nge girdi’. Ngar pi’ed ngak SOMOL nib mu’un ko grain ni ngan ognag ni kan athkuy e gapgep ngay. Thingar rin’ed e ran’ey ni bochan e SOMOL e bay i m’ug ngorad e daba’.”

Levitikus 8:2

“Mu fek Aron nge pifak ni pumo’on nga langan e mab ko fare Tent u p’eowcheg mag fek fapi madan e prist i yib, nge fare gapgep ni fen e mathiy, nge ba fak e garbaw ni pumo’on ni fan ko maligach ko denen, nge fa gali pifak e saf ni pumo’on, nge fare dug i flowa ndariy e is riy.

Levitikus 7:12

Fa’anra pi’ be’ ba maligach ni fen e ogmagaer ngak Got, ma thingar ki chagiy ngay reb e gamanman ni maligach, nge ba flowa ni dariy e is riy: ni demturug ko lof nib dib’ag nni ngongliy ko flour ni kan athkuy e gapgep ni olive ngay ara kek nib gilgith ni kan achay e gapgep ni olive ngay ara kek nni ngongliy ko flour ni kan athkuy ko gapgep ni olive.

Numbers 6:16

Ma fare prist e nge pi’ e pin’ey ngak SOMOL ni nge pi’ e maligach ni fan ko denen nge maligach ni mo’oruf.