Numbers 36:1 - Bible Ni Thothup

¹ Pi lolgen e tabnaw ko fare ke girdi’ rok Gilead e ranod ra guyed Moses nge ku boch e tayugang’. I Gilead e ba mo’on ni fak Makir nib mo’on ni fak Manasseh nib mo’on ni fak Josef.

Numbers 36:1 Referans Kwoze

Numbers 27:1

I Mahlah, Noah, Hoglah, Milkah nge Tirzah e bogi ppin ni fak Zelofehad nib mo’on ni fak Hefer nib mo’on ni fak Gilead nib mo’on ni fak Makir nib mo’on ni fak Manasseh nib mo’on ni fak Josef.

Genesis 50:23

I par Josef nge guy e bitir rok Efraim nge bitir rok e bitir rok Efraim. Fa’an nni gargeleg pifak Makir, ni be’ nib mo’on ni fak Manasseh, me tayrad Josef ni yad girdi’en e tabinaw rok.

Numbers 27:2

Fapi ppin e ra bad ra sak’iygad nga p’eowchen Moses, nge Eleazar ni prist, nge pilal’ nge urngin e girdi’ ni yad bay u langan e mab ko fare Tent u p’eowchen SOMOL, ngar ga’argad,

Numbers 27:7

“Ba mat’aw e n’en keyog fapi ppin ni fak Zelofehad; mu pi’ ngorad e binaw ni nge milsuwon ngorad ulan tafen girdi’en e chitamangirad. Mu pag e gayog rok e chitamangirad nge yan ngorad.