Numbers 35:19 - Bible Ni Thothup

¹⁹ Ma en girdi’en nriyow ba chugur fa’anem nike yim’ e ir e nge milfan ngak nge thang e fan rok fa en ke cham. Ma nap’an nra pir’eg fa’anem ma nge li’ nge yim’.

Numbers 35:19 Referans Kwoze

Joshua 20:5

Fa’anra lek fa en ke yib ni nge filbeyen fare mo’on ngaram, ma girdi’ ko fare binaw e thingar dab ra pi’ed fare mo’on nga pa’ fa’anem. Thingar ra ayuweged ni bochan e kal riy nge li’ facha’ ma gathi bochan e ke damumuw.

Joshua 20:3

Fa’anra li’ bigimed be’ nge yim’ ni kal riy, me yan e ngaram nge mil rok fa’en ke yib ni nge falbiy.

Deuteronomy 19:12

Ma aram e pi tayugang’ ko binaw rok facha’ nike cham e ngar mal’oggad ngan yan ni fek facha’ u rom, ngan pi’ ngak fa en ni nge falbiyen, ya ngan li’ ngem’.

Deuteronomy 19:6

Fa’anra kemus ni ta’reb e mit i binaw ney ni bay, ma aram e yug ra palog rok boch e girdi’. Ma en girdi’en fa en ke riya’ ni ir e nge falbiyen, e richey me kol fa’anem nge thang e fan rok u fithik’ e damumuw, ni cha’nem e de kireb e rok. Ya aram rogon ni fare pogofan ni thang, e ban’en ni kal riy, ya da immoy e kireb u thilrow fa’anem nike yim’.

Numbers 35:21

ara tuguy, ma bbuch e rok ko mathang pogofan nike rin’ ma ir e yira thang e fan rok. Ma be’ ni girdi’en facha’ nike yim’ ni en thabi chugchur ngak e ir e nge milfan ngak nge thang e fan rok facha’ nike thang e fan. Nap’an nra pir’eg facha’ me li’ nge yim’.

Numbers 35:27

ma fa’anra pir’eg be’ ni girdi’en fare yam’ fa’anem nge li’ nge yim’, ma dab ni gechignag fa en ke cham.

Numbers 35:24

Ra buch ban’en ni arrogon ma girdi’ ko fare binaw e ngar turguyed ni bfel’ e rok fa’anem ni ir tapgin e yam’ ni tay facha’ ma dab ra folgad nga girdi’en fare yam’ ni karbad ni ngar filed biyen.

Numbers 35:12

Ma girdi’en fare mo’on nike yim’ e dabyag ni ngar falbiy gad ngar li’ed fare mo’on u rom. Be’ ni kan oloboch ngak nike fek reb e pogofan e dab ni li’ ngem’ ni dawor ni pufthinnag u mit e girdi’ ni yo’or.

Genesis 4:14

Chiney e ngam chuwegeg ko re gi but’ ney ngu p’eowchem. Bay gu par ni dariy e naun rog mu ug malethay u fayleng i yan, ma demturug be’ nra mada’ nigeg me li’eg nggum’.”

Numbers 35:20

“Fa’anra be’ ni be fananikay be’ me thang e fan rok ni thuruy nga but’ fa pag ban’en ngak

2 Samuel 14:7

Siro’, chiney e urngin pi girdi’eg ma kar togopluwgad ngog ma yad be yog ngog ni nggu pi’ fare pagel ni fakag ngorad, ya ngar thanged e fan rok ni bochan e ke thang e fan rok walagen. Fa’anra yad ra yodroy, ma gu ra par ni dakriy e pagel ni fakag. Yad ra thang e ta’are n’en nma lagan’ug ngay me par figirngig ni dakriy fak ni pagel ni ngki tunguy fithingan.”

2 Samuel 14:11

Me ga’ar fare pin, “Gur en Pilung, wenig ngom mu meybil ngak SOMOL ni Got rom, ni re girdi’ rog nsusun e nge falbiyen e kireb rok fare pagel ni fakag e dabi rin’ reb e kireb nib gel e oloboch riy ni nge thang e pogofan rok e bin kaba’ e pagel ni fakag.” Me fulweg David, ni ga’ar, “Kug micheg u fithingan SOMOL ni be par nib fos, ndariy bochi ban’en nra buch rok fakam.”

Judges 8:19

Me ga’ar Gideon, “Yad pi walageg ni pumo’on, nri pifak e chitinag. Kari gu micheg, ni fa’an mang e da mu li’ewrad, ma dab gu li’mew.”

2 Samuel 3:27

Ma nap’an ni taw Abner nga Hebron, me pining Joab i Abner nga orel ko fare garog, ni gowa nge non ngak ni go’oyow, ma aram me ruchuy e yar ko yal rok u rom. Ma aram e kan thang e pogofan rok Abner ni bochan e ki thang e pogofan rok Asahel nib mo’on ni walagen Joab.

2 Samuel 3:30

Ere Joab nge Abishai ni walagen ni pumo’on e ra falbiyen walagrow i Asahel ni li’ Abner u tan e mael u Gibeon.