Numbers 29:39 - Bible Ni Thothup

³⁹ Irera’ fapi gafal nib l’ag rogon ko fapi maligach ni mo’oruf, maligach ni grain, maligach ni wayin, nge maligach nma gapaseg thilin Got nge girdi’ ni ngam pi’ed ngak SOMOL ko madnom riy ni kan turguy. Pin’ey e ngan dachuguy ko fapi maligach ni ngam pi’ed ni nge lebug e n’en nni ognag ara pi maligach ni yugun leamnag ni ngan pi’.

Numbers 29:39 Referans Kwoze

Levitikus 23:2

e pi gafal ni ba’aray ni fan ko pi madnom nturguy, ni aram e ngiyal’ ni nge mu’ulung e girdi’ nu Israel ngar ted fan SOMOL.

2 Kronicles 31:3

Mu fithik’ e yu ran’ i gamanman rok ni saf nge garbaw e i fek e en pilung e pi gamanman riy ni fan ko maligach ni mo’oruf ni gubin e kadbul nge blayal’, nge tin yima pi’ ko rofen ni Sabbath, nge tin yima pi’ ko fare Madnom ko M’ug e Pul, nge tin kabay e madnom ni kandugliy u lan e motochiyel rok SOMOL.

1 Kronicles 23:31

nge ngiyal’ ni yi be pi’ e maligach ni mo’oruf ngak SOMOL ko rofen ni Sabbath, nge madnom ko M’ug e Pul, nge ku boch e madnom. Motochiyel e ni ngongliy ni nge gagyalnag gubin e piyu Levi ni kan duwgiliy ko re maruwel ney u bingyal’ ngu bingyal’. Fare maruwel ni aram e ngu’un liyor ngak SOMOL ni gubin ngiyal’ e ni pi’ ngak e pi Levite.

Isaiah 1:14

Ku gu fanenikay e pi Madnom ko M’ug e Pul romed nge pi rran ni gimed ma madnomnag nib thothup; pin’ey e be tomal nigeg nike ngochan’ug ngay.

Nehemiah 10:33

Tin ni ba’aray e bay gu pi’ed ni fan ko tayfan u lan e Tempel: flowa nib thothup, wom’ngin e grain ni yima pi’ ni maligach ni gubin e rran, fapi gamanman ni yima urfiy ni polo’ u gubin e rran ni yima pi’ e maligach, nge maligach ni thothup ni fan ko Sabbath, nge pi Madnom ko M’ug e Pul, nge ku boch e madnom nge ku boch e maligach nib thothup, nge pi maligach ni nge chuweg e denen rok piyu Israel, nge tin kabay nib t’uf ko maruwel u lan fare Tempel.

Ezra 3:5

Ma ku yad be pi’ e pi gamanman ni maligach ni ngan urfiy ni yu reb, nge gamanman ni ngan pi’ ni maligach ko Madnom ko M’ug e Pul, nge urngin e pi mu’ulung ni yima tay ngu’un tayfan SOMOL ma yibe meybil ngak, nge pin’en ni yad ma pi’ ngak SOMOL ni yad e leam rorad.

Levitikus 7:11

Tin ba’aray e bogi gafal ni murung’agen e pi maligach ni yima pi’ ngak SOMOL ni nge gapaseg thilin Got nge girdi’.

1 Korinth 10:31

Demturug e n’en ni gimed ra rin’, ndemturug ko ngam abichgad ara ngam garbodgad, ma urngin ni ngam rin’ed ni fan e nganog e sorok riy ngak Got.

Deuteronomy 12:6

U rom e ngam pi’ed e pi gamanman ni maligach riy ni ngan urfiy nge yugu boch e maligach, nge ragag e pasent ko pin’en nike yag ngomed, nge pin’en ni ngam pi’ed ngak SOMOL, nge pin’en ni kam micheged ni ngam pi’ed ngak, nge pin’en ni kam turguyed u wun’med ni ngam pi’ed ngak, nge tin som’on i fak e pi garbaw nge pi saf romed.

Numbers 6:21

Irera’ e pi gam’ing ni fan ngak e pi Nazirite; machane fa’anra yog reb e Nazirite ba maligach nra pi’, ndariy u lan e motochiyel ko tin nge pi’ nrogon nike micheg, ma thangri pi’ fare maligach ni bod rogon nike ognag nra pi’.

Levitikus 23:28

Dab mmarwelgad e rofen nem, ya aram e rofen ni ngan bangbengnag e maligach nrogon ko motochiyel ni nge chuweg e denen.

Numbers 29:40

Aram me yog Moses ngak yu Israel urngin e tin ni yog SOMOL ni ngan rin’.

Amos 5:22

Nap’an ni gimed ra fek i yib ngog e maligach ni gamanman ni mo’oruf nge grain, ma dabi fel’ u wun’ug. Ma dabi fel’ u wun’ug e pi gamanman romed ni kam durwi’iyed ke sugsug ni ngam pi’ed ni maligach ngog.

Levitikus 23:38

Pi madnom ney e nge cheag ko pi madnom ni Sabbath, ma pi maligach ney e nge chag ko pi maligach ni gimed ma pi’, nge tin ni mmicheged ni ngam pi’ed ngak, nge tin gimed e mu leam niged ni ngam pi’ed ngak SOMOL.)

Numbers 28:2

ni nge gafaliy yu Israel ngar pi’ed ngak Got e ggan ni maligach ni kan duwgiliy nib magan’ ngay ko re ngiyal’ i n’en ni kan turguy ni ngan pi’ riy.

2 Kronicles 31:14

Kore nib mo’on ni fak Imnah ni reb e girdi’ nib Levite ni ir e ba tolang ko pi tamatnag ko fare Garog ni Ngek ko fare Tempel, ma ku ir e ba milfan ngak e pi tow’ath ni yibe pi’ ngak SOMOL nge tin nge wereg ko pi prist nge pi Levite.

Ezra 3:4

Miyad madnomnag fare Madnom ko Nochi Naun ni bod ni bay ko motochiyel, mra reb e rran miyad pi’ e pi gamanman ni maligach ni bod nike yog e motochiyel.