Numbers 26:29 - Bible Ni Thothup

²⁹ Fare ganong rok Manasseh. I Makir ni be’ ni pagel ni fak Manasseh e ir e chitamngin Gilead, ma yuke girdi’ ni ba’aray e sum e ga’ rorad rok Gilead:

Numbers 26:29 Referans Kwoze

Joshua 17:1

Bang ko fare gi but’ ni bay ko ngal u Jordan e ni pi’ ngak boch fapi tabnaw ni owchen e bin nganni’ e pumo’on ni fak Josef ni aram Manasseh. Me Makir e chitamngin Gilead ma irreram e bin nganni’ e pumo’on u fak Manasseh, cha’anem i Makir e reb e salthaw nrib cheag mab flu’, ere ni pi’ yu Gilead nge yu Bashan ngak ni bay ko ngek ko Jordan.

Numbers 36:1

Pi lolgen e tabnaw ko fare ke girdi’ rok Gilead e ranod ra guyed Moses nge ku boch e tayugang’. I Gilead e ba mo’on ni fak Makir nib mo’on ni fak Manasseh nib mo’on ni fak Josef.

Judges 5:14

Rabad u Efraim ngalan e loway ni yad be lek e ganong rok Benjamin. Me yib e pi’in yad be tay murung’agen e salthaw u Makir nga pe’ning, ma pi tolang ko salthaw e rabad u Zebulun nga pe’ning.

Deuteronomy 3:15

“Mu gu pi’ yu Gilead ngak fare ke girdi’ rok Makir ni be’ ko fare ganong rok Manasseh.

Genesis 48:14

Machane me yin’ Israel baraba’ i pa’ nga daken baraba’ nge par nike thilpach, nge tay e ba’ ni mat’aw i pa’ nga daken chugen Efraim, ni ir e bbitir rorow, me tay e ba’ ni gilay’ i pa’ nga daken chugen Manasseh, ni ir e ba ilal rorow.

Genesis 50:23

I par Josef nge guy e bitir rok Efraim nge bitir rok e bitir rok Efraim. Fa’an nni gargeleg pifak Makir, ni be’ nib mo’on ni fak Manasseh, me tayrad Josef ni yad girdi’en e tabinaw rok.

1 Kronicles 2:21

Nap’an ni gaman e nel’i ragag e duw rok Hezron me le’engiy be’ ni bpin ni chitamngin e Makir ma walagen e Gilead. Miyow diyennag be’ ni pagel ni Segub fithingan,