Numbers 24:10 - Bible Ni Thothup

¹⁰ Me unguy Balak e tug ni kari damumuw me ga’ar ngak Balaam, “Kug piningem ni ngam yibil ngam bucheg wa’athan e pi to’ogor rog, machane nga dalip yay ni kam fal’eg wa’athrad.

Numbers 24:10 Referans Kwoze

Ezekiel 21:14

“Fak e girdi’, chiney e ngam yi’iy. Mu waynag pa’am me cham fare gi saydon bayay nge bayay. Irera’ fare saydon nma cham, ma k’aring e marus mma thang e pogofan.

Numbers 23:11

Me ga’ar Balak ngak Balaam, “Be mang e biney ni kam rin’ ngog? Kug piningem ngaray ni fan e ngam yibil ngam bucheg wa’athan e pi to’ogor rog, ma n’en ni kam rin’ e kam fal’eg wa’athrad.”

Ezekiel 22:13

“Bay gu pag ba tug nga daken e pi’ romed nma moro’ro’ u fithik’ e yargel nge pi tamathang pogofan.

Ezekiel 21:17

Bay kug waynag pa’ag, me m’ay e damumuw rog. I Gag SOMOL e gu be non.”

BABYOR NI JOB 27:23

Be non ngulan e nifeng nga dakenrad ni yad be mil, be karmarus ngorad nga feni gelmarin ni be cham.

Nehemiah 13:2

Fan e ren’ey e bochan e pi girdi’ nu Ammon ngu Moab e dar pi’ed e ggan nge ran ngak piyu Israel nnap’an ni yad beyan i yan nga wuru’ yu Egypt. Ya n’en nra rin’ed e ra pi’ed puluwon Balaam ni salpiy ni nge bucheg wa’athan yu Israel, machane me pilyeg Got fare buch wa’athan nge ngal’ ni fel’wa’athan.

Numbers 22:17

Ba ga’ puluwon ni gu ra pi’ ngom, ma demturug e tin ga ra yog ma gu ra rin’. Wenig ngom, moy ngam bucheg wa’athan fapi girdi’.”

Numbers 22:11

ni bay bogi girdi’ ni karbad u Egypt ni kar weargad u daken e nam ni ga’ngin. Ba’adag ni nggu yibil nggu bucheg wa’athrad, nge yag ni m’ag e mael ngorad me tulufrad ngar chuwgad.”

Numbers 22:6

Yad bo’or ngomad, ere moy ngam yibil ngam bucheg wa’athrad, ma aram e sana rayag ni gu gelgad ngorad ma gamad tulufrad ngar chuwgad ko nam romad. Gu manang ni pi’in ga ra yibilay ni nge fel’ wa’athrad e ra fel’ wa’athrad, ma pi’in ga ra bucheg wa’athrad e ra buch wa’athrad.”

Numbers 24:9

Yu Israel e bod ba layon nib gel; ra be mol ma dariy be’ nra ga’aran’ ni nge pug. En nra fal’eg wa’athan yu Israel e ra fel’ wa’athan, ma en nra bucheg wa’athan yu Israel e ra buch wa’athan.”

Numbers 24:11

Ere mu sul nga tafnam! Kug micheg ngom ni bay gu pi’ puluwom nib tolang, ma SOMOL e de pagem ni ngam rin’ e tin ku gu ning ngom, are dab ni pi’ puluwom.”

Deuteronomy 23:6

N’umngin nap’an ni gimed be par ni gimed reb e nam, ma rdariy bangiyal’ ni ngam pi’ed e ayuw ngak e gali nam ney ara mu rin’en ban’en ni nge fel’ rogorad riy.

Acts 11:10

Ren’em e yodorom ni dalip yay, ma aram min girengiy fare n’em ngan fulweg nga tharmiy.