Numbers 24:1 - Bible Ni Thothup

¹ Ngiyal’ nem e kenang Balaam ni ba’adag SOMOL ni nge fal’eg wa’athan yu Israel, ma aram ma daki yan ni nge mada’nag SOMOL ni bod fa yu yanem. Me sap nga daken e ted ni desert

Numbers 24:1 Referans Kwoze

Numbers 23:23

Dariy ba mmotokan ara bmit e pig, Nra yib angin ko nam nu Israel. Chiney e bayi yog e girdi’ murung’agen yu Israel ni bayi lungurad, ‘Mu sapgad ko tin nike rin’ Got!’

Numbers 23:3

Me ga’ar Balaam ngak Balak, “Mpar u roy u to’oben e maligach rom ni mo’oruf, mu gu wan ngug guy ko ra yib SOMOL ni nggu mada’gow fa dabi yib. Bay gu weliy ngom e tin bayi yog ngog.” Me yan ni go’ ir nga daken p’ebgul bochi burey,

Revelation 2:14

Machane ba’aray in i ban’en ndabug rom: bay boch e girdi’ rom u wur ni yad be fol ko tin ni be fil Balaam ko girdi’, ni ir e fil ngak Balak rogon ni nge waliy e girdi’ nu Israel ngar denengad ni ngar ked e ggan ni kan pi’ ni maligach ngak e liyos nma meybil boch e girdi’ ngay, ma yad be ngongliy ngongolen e darngal.

Numbers 31:16

Gimed manang ni ppin e i fol ko n’en ni i yog Balaam u Peor ngar waliyed e girdi’ ndaki yul’yul’ ngak SOMOL. Ni aram e ren’en ni girengiy e liliy nga daken e girdi’ rok SOMOL.

Numbers 23:28

Me fek Balak Balaam nga p’ebugul e burey ni Peor, ni yira par riy ma yibe guy daken e ted ni desert.

Numbers 23:20

Keyog Got ngog ni nggu fal’eg wa’athay, Ma nap’an nra fal’eg Got wa’athay, ma dabkiyag ni nggu rin’ ban’en ngay.

Numbers 23:15

Me ga’ar Balaam ngak Balak, “Mu sak’iy u to’oben e maligach rom ni mo’oruf, mu gu wan aram nggu mada’gow Got.”

Numbers 22:13

Me kadbul me yan Balaam ngak fapi mol’og rok Balak me ga’ar, “Mu sulod nga tafenmed; ya keyog SOMOL ndab gu un ngomed.”

1 Samuel 26:25

Me ga’ar Saul ngak David, “Fakag, nge fal’eg Got wa’athmed! Gubin e pin’en ni bay mu rin’ ma bay yan i aw ni bfel’ rogon!” Ma aram me yan David, me sul Saul nga tabnaw rok.

1 Samuel 26:2

Ka ngiyal’nem me yan Saul nge 3,000 e tin nth’abi cheag ko salthaw rok nu Israel ko ted nu Zif ni yad be changarnag David,

1 Samuel 24:20

Chiney e kari gu nang ni bay mmang pilung nu Israel, ma bayi par e re lungun nem rom nge mang gur e mu gagiyegnag.

Numbers 22:7

Me fek e pi’in yad ma yog e thin rok piyu Moab nge piyu Midian puluwon e buch wa’athan ni nge tay Balaam ngak yu Israel miyad yan ngak Balaam, miyad yog e thin rok Balak ngak.

Numbers 23:30

Me rin’ Balak ni bod nike yog ngak, mra reb e e pi altar nem me maligachnag reb e garbaw ni pumo’on nge reb e saf ni pumo’on u daken.