Numbers 23:27 - Bible Ni Thothup

²⁷ Me ga’ar Balak, “Moy, ngdarow nga yug bang, ya sana ra fel’ u wan’ Got ni nge pagem ngam yibil ngam bucheg wa’athrad u rom ni fan ngog.”

Numbers 23:27 Referans Kwoze

Roma 11:29

Ya Got e der ma piliyeg laniyan’ rok e en ni mel’eg nge tow’athnag.

Isaiah 14:27

I SOMOL ni Gubin ma Rayag Rok e turguy ni nge rin’ e ran’ey; ke k’iyag pa’ ni nge gechig, ni dariy be’ nrayag ni taleg.

Proverbs 21:30

Gonop ko girdi’, nge tamilangan’, nge nangan’ — e dabi ayuwegnem ni fa’anra ba togopluw SOMOL ngom.

Proverbs 19:21

Bo’or e pin’en ni be tanomnag e girdi’ u lanin’rad, machane laniyan’ SOMOL e ra aw nga rogon.

BABYOR NI JOB 23:13

Got e der ma thil. Dariy be’ nrayag ni nge togopluw ngak ara taleg ndabki rin’ e tin ni ba’adag ni nge rin’.

Numbers 23:13

Me ga’ar Balak ngak Balaam, “Mu un ngog ngdarow ngabang ni ga ra par riy ma kemus ni boch piyu Israel e ga ra guyrad. U rom e ngam yibil riy ngam bucheg wa’athrad.”

Malaki 3:6

“I gag e SOMOL ma ri dab gu thil. Ere gimed e pi’in owchen Jakob e dawor mmalog gad e chiney.

Numbers 23:26

Me fulweg Balaam ni ga’ar, “Gathi gog ngom faram nthingar gu rin’ urngin e tin keyog SOMOL ngog?”

Numbers 23:28

Me fek Balak Balaam nga p’ebugul e burey ni Peor, ni yira par riy ma yibe guy daken e ted ni desert.

Numbers 22:6

Yad bo’or ngomad, ere moy ngam yibil ngam bucheg wa’athrad, ma aram e sana rayag ni gu gelgad ngorad ma gamad tulufrad ngar chuwgad ko nam romad. Gu manang ni pi’in ga ra yibilay ni nge fel’ wa’athrad e ra fel’ wa’athrad, ma pi’in ga ra bucheg wa’athrad e ra buch wa’athrad.”