Numbers 22:4 - Bible Ni Thothup

⁴ Piyu Moab e lungurad ngak e pi’in yad ma yog e thin rok piyu Midian, “Pi girdi’ nem ni aram farad yo’or e dabi n’uw nap’an miyad kirebnag urngin ban’en ni bay u to’obdad, ni bod ba garbaw ni kay e pan u bang nge mu’nag.” Me l’oeg Balak ni Pilung

Numbers 22:4 Referans Kwoze

Numbers 31:8

nib mu’un fa lal i pilung nu Midian ngay: ni Evi, Rekem, Zur, Hur, nge Reba. Ku ra li’ed Balaam ni fak Beor.

Jeremiah 48:38

Daken gubin e naun u Moab nge gubin e yungin nma mu’ulung e girdi’ ngay e go’ meyor e yibe tay riy, ni bochan e kug bilig yu Moab ni bod ba rume’ ni dariy be’ ni ba’adag.

Judges 11:25

Gimed be leamnag ni gimed ba cheag boch ngak Balak ni fare mo’on ni fak Zippor ni Pilung nu Moab? I ir e dariy bingyal’ nni tagenging nga Israel, fa bay? Ka’a yib bingyal’ ni mael ngomad?

Numbers 24:17

Kug guy e tin bay nga m’on e rran, ma kug guy yu Israel. Ba’ ba pilung ni bod ba t’uf ni ba ga’ ram’en ni bayi sum rorad. Rogon ba t’uf ni ba ga’ ram’en e aram rogon ni bayi yib rok yu Israel. Bayi li’ e pi’in yad ma yog e thin rok yu Moab, me thirif u but’ urngin e pi’in yad ba uf ma yad ma togopluw.

Numbers 22:7

Me fek e pi’in yad ma yog e thin rok piyu Moab nge piyu Midian puluwon e buch wa’athan ni nge tay Balaam ngak yu Israel miyad yan ngak Balaam, miyad yog e thin rok Balak ngak.

Numbers 22:2

Ma fa’ani guy Balak ni Pilung ni fak Zippor e n’en nike rin’ yu Israel ngak e pi Amor,

Exodus 15:15

Pi’in yad ma yog e thin u Edom e rrusgad; ma pi pumo’on ni falu’ u Moab e ra t’on gad ko marus; ma fapi girdi’ nu Kanaan e mulan’rad.

Numbers 25:6

Ma bay be’ nib mo’on nu Israel ni fek be’ ni bpin nu Midian nga langgin e Tent rok u p’eowchen Moses nge gubin fapi girdi’, ko ngiyal’ ni ba’aram ni yad be siro’ u fithik’ e meyor u langan e mab ko fare Tent u p’eowchen SOMOL.

Numbers 31:1

I ga’ar SOMOL ngak Moses,

Judges 6:1

Me denen e girdi’ nu Israel nib togopluw ngak SOMOL, me pag e girdi’ nu Midian nge mang yad e ur gagiyeg niged piyu Israel ni medlip e duw.

1 Kings 11:18

Ra chuwgad u Midian ngranod nga Paran, ni aram e gin ni un boch e pumo’on riy ngorad. Ma aram miyad milekag nga Egypt ngranod ngak e en pilung, ni ir e pi’ ngak Hadad yungi binaw nge bogi naun me pi’ e ggan ngak.