Numbers 22:34 - Bible Ni Thothup

³⁴ Me fulweg Balaam ni ga’ar, “Kug denen. Da gu nang ni ka mub mu sak’iy ngalan e kanawo’ ni ngam talegeg; machane fa’anra de fel’ u wun’um ni nggu wan me ere nggu sul nga tafnag.”

Numbers 22:34 Referans Kwoze

2 Samuel 12:13

Me ga’ar David, “Kug ngongliy e denen nib togopluw ngak SOMOL.” Me fulweg Nathan ni ga’ar, “I SOMOL e ke n’ag fan e denen rom; ma dab ku mum’.

1 Samuel 15:24

Me ga’ar Saul, “Kug denen, ya da gu fol ko tin keyog SOMOL ngog nge tin mog ngog ni nggu rin’. Gu tamdag ngak e pi salthaw rog mu gu rin’ e tin nib magan’rad ngay.

1 Samuel 26:21

Me fulweg Saul ni ga’ar, “Kug rin’ e kireb. David ni fakag, mu sul e ngaray! Ri dakuriy bi’id ni nggu rin’ ban’en nib kireb ngom, ni bochan e dam fek e pogofan rog e nep’ ney. Kug par ndariy rogog! Kug rin’ ban’en nrib gel e kireb riy!”

1 Samuel 15:30

Me ga’ar Saul, “Kug denen, machane mu tay fag u p’eowchen e pi’in yad ma yog e thin rok e girdi’ nu Israel ngu p’eowchen urngin piyu Israel. Mu un ngog ngad sulow nge yag ni gu liyor mu gu meybil ngak SOMOL ni Got rom.”

Proverbs 24:18

Fa’anra ga be girig ma ra nang SOMOL, ma dabi m’agan’ ngay; ma aram e sana dabi gechignag fa’anem.

Psalms 78:34

N’apan nra li’ bochiyad, me cheal e tin kabay ngar sulod ngak; miyad pi’ keru’rad ko denen rorad miyad parnag e meybil.

1 Kronicles 21:7

De fel’ u wan’ Got e tin kan rin’, ma aram me gechignag yu Israel.

1 Samuel 24:17

Me ga’ar ngak David, “I gur e gab mat’aw, me gag e gub kireb. Rib fel’ e tin ga be rin’ ngog, me gag e gu be rin’ e kireb ngom!

Numbers 22:12

Me ga’ar Got ngak Balaam, “Dab mu’un ngak e pi pumo’on nir, ma dab mu bucheg wa’athan e girdi’ nu Israel, ya kug fal’eg wa’athrad.”

Numbers 14:40

Me reb e rran riy nri kakadbul miyad yan ni ngranod ko gin nib mak’ burey, ni be lungrad, “Chiney e ngdarod ko fare nam nike weliy SOMOL murung’agen ngodad. Ya riyul’ ni kad denengad.”

Numbers 11:1

Me tabab piyu Israel i gun’gun’ ngak SOMOL ni bochan e gafgow ni yad be tay. Fa’ani rung’ag SOMOL me damumuw, me pag e nifiy nga fithik’ rad nge urfiy e gin ni be par yu Israel riy ni kirebnag taban u baley.

Exodus 9:27

Me pi’ Farao e thin nge yib ngak Moses nge Aron, ni be ga’ar, “Yaney e kug denen; i SOMOL e mmat’aw, ma girdi’ ko nam rog nge gag e gamad ba kireb.

Numbers 22:33

Machane dongki rom e guyeg me pilo’ rog ni dalip yay. Fa’an mang e de rin’ ma kug thang e pogofan rom, mu gu pag ndab gu li’.”