Numbers 22:3 - Bible Ni Thothup

³ me ir nge urngin e girdi’ nu Moab e rrusgad ngak yu Israel, ya yad pire’.

Numbers 22:3 Referans Kwoze

Exodus 15:15

Pi’in yad ma yog e thin u Edom e rrusgad; ma pi pumo’on ni falu’ u Moab e ra t’on gad ko marus; ma fapi girdi’ nu Kanaan e mulan’rad.

Isaiah 23:5

Mus ngak piyu Egypt ni yad ra dada’ ngay nap’an ni yad ra nang ni ka ni gathay yu Tyre.

Psalms 53:5

Machane aram e bayib e marus ngorad nib gel, ndawor rrusgad bayay ni aram gelngin, ya bayi wereg Got yilen e pi to’ogor ko girdi’ rok. I Got e ke n’agrad, ma aram e yu Israel e ri bay ra gelgad ngorad.

Joshua 9:24

Miyad fulweg, “Siro’, kug rin’ed ban’en ni aram rogon ni bochan e kug nanged ni riyul’ ni SOMOL ni Got rom e keyog ngak Moses ni tapigpig rok ni nge pi’ ngom e gi binaw ney ni ga’ngin me li’ e girdi’ ni yad be par riy u nap’an ni gimed be yan nga m’on. Ma kug rin’ed ni bochan e kugm’ad ko marus ngom; ma kagmad be rusnag e pogofan romad.

Joshua 2:24

Me lungurow ngak, “Kari mich u wun’mow nike pi’ SOMOL ngodad e re nam nem ni ga’ngin. Ya urngin e girdi’ nu rom ni kar rusgad ngodad.”

Deuteronomy 2:25

Daba’ i yan ngaram e bay gu tay daguwmed nga lanyan’ e girdi’ u gubin yang. Nap’an ni yira yog fithingimed ma gubin e girdi’ ni bay ra t’on gad ko marus.’

Nehemiah 13:2

Fan e ren’ey e bochan e pi girdi’ nu Ammon ngu Moab e dar pi’ed e ggan nge ran ngak piyu Israel nnap’an ni yad beyan i yan nga wuru’ yu Egypt. Ya n’en nra rin’ed e ra pi’ed puluwon Balaam ni salpiy ni nge bucheg wa’athan yu Israel, machane me pilyeg Got fare buch wa’athan nge ngal’ ni fel’wa’athan.

Exodus 1:12

Machane gelngin ni be gafgownag piyu Egypt yu Israel, ma aram e ri yad be yo’or ma be wear e girdi’ nu Israel u daken e nam nu Egypt. Me par piyu Egypt nike yib magran yu Israel ngorad

Exodus 23:27

“Bay gu tay e pi girdi’ ni yad be togopluw ngomed ni kar rusgad ngog; bay gu tay e pi girdi’ ni gimed be cham ngorad nike wagagey lanin’rad, ma bay gu gagiyegnag urngin e to’ogor romed ngar chelgad u but’ ngar milgad romed.