Numbers 20:5 - Bible Ni Thothup

⁵ Mangfan ni mfekew gamad u Egypt i yib ko gin’ey nib kireb ni dariy ban’en riy? Dariy e grain u roy, nge fig, nge grapes, nge pomegranate. Mus ko ran ni ngan unum ma dariy!”

Numbers 20:5 Referans Kwoze

Numbers 16:14

Ya gathi kam fekmad i yib ngabang i but’ nib yong’ol ara kam pi’ yuyang e flang ngomad nge woldug ni grape ni nggu fi’iyed. Ere mog, chiney e kag be guy rogon ni ngam ban nagmad? Dab gu bow!”

Ezekiel 20:36

Ere chiney e bay ggechig nagmed ni bod rogon ni ggechignag e pi chitamangimed u lan e ted ni Sinai.” I SOMOL ni Th’abi Tolang e be non.

Jeremiah 2:6

I m’ay fag u wun’rad, ni yugu aram rogon ni gu chuwegrad u tan pa’ yu Egypt nggu pow’iyrad i yan u daken e ted, u lan ba nam nib sug yungi desert riy nge bogi low, nib fengfeng ma ba sug ko maad’ad ndariy be’ nma par riy, ma der milekag be’ riy.

Jeremiah 2:2

ni nggu wan nggu weliy e thin rok ngak urngin e girdi’ nu Jerusalem ni nge lungug: “Ku gu manang fanam yul’yul’ ko fa ngiyal’nem ni ka ga ba rugod, nge rogon fanag t’uf rom ko fa ngiyal’ ni ba’aram ni ka fin da mabgolgow; um lekeg u daken e ted ni desert, ngu daken e but’ ni dawor ni wolduguy bi’id.

Nehemiah 9:21

Urngin ban’en ni nge yag ngorad u daken e ted i yan e um pi’ ngorad ni aningeg i ragag e duw; mi i par e mad rorad nde wod, ma rifrif u ayrad e de thow nge amith.

Deuteronomy 8:15

I pow’iymed i yan u lan e ted ni desert ma ba kan dugwen ya bay e porchoyog riy ni bay e yub u l’ugun, ma ku bay e scorpion riy. U rom u daken e ted nib mlik’ e but’ riy ma dariy e ran riy e gagiyegnag SOMOL e ran nge yib i po’ nga but’ u fithik’ ba war nib el ni fan ngomed;

Numbers 20:24

“I Aron e dabi yan ngalan fare nam ni gu micheg ni bay gu pi’ ngak yu Israel; ya nge yim’ ni bochan e mu togopluwgow ko tin gog ni ngam rin’ew u Meribah.

Numbers 27:14

ya gimew l’agruw nda mfolgow ko tin gog u daken e ted u Zin. Fa ngiyal’nem ni i gun’gun’ yu Israel nib togopluw ngog u Meribah mi gimew siyeg ni ngam dagew u p’eowcherad nib pagan’mew nga gelngig nib thothup.” (Meribah e fare alublub ni bay u Kadesh u daken e ted nu Zin.)