Numbers 19:9 - Bible Ni Thothup

⁹ Ma be’ nib pumo’on nib be’ech e nge kunkunuy e awat ko fare garbaw nge yan i tay ngabang ni kub tabgul nga wuru’ fa gin ni be par piyu Israel riy, ngu’un cha’riy u rom nge mada’ ko ngiyal’ ni nge fanay yu Israel ko ran ni bangbengin e be’ech. Biney e gam’ing e fan ko denen ni ngan chuweg.

Numbers 19:9 Referans Kwoze

Hebrews 9:13

Racha’en e kaming nge garbaw ni pumo’on nge awat rok pifak e garbaw ni kan urfiy e un wereg nga daken e pi’in yad ba alit u rogon e motochiyel, min be’ech nagrad ni aram e kan chuweg e kireb rorad, ni kireb rorad u yalen e motochiyel.

Numbers 19:13

Demturug be’ nra math nga ba yam’ mde be’echnag ir e ra par nib ta’ay, ni bochan e fare ran ni yima machalbog nagey ngay e dawor ni pu’og nga daken. Ma ke ta’aynag fare Tent rok SOMOL, ma aram e bay ni tay ni gathi ku ir reb e girdi’ rok SOMOL.

Hebrews 7:26

Ere Jesus e ir fare Prist ni Th’abi Ga’ ni ir e rayag ni nge ayuwegdad u urngin ban’en! Ya ir e ba thothup; ni dariy thibngin ma dariy e denen rok; ke fal Got ngabang ni gathi ir reb e pi tadenen ma ke tay ni ir e th’abi tolang u tharmiy.

2 Korinth 7:1

Pi tafager rog ni gimed ba t’uf rog, urngin e pi thin ney e keyog Got nra rin’ ngodad! Ere ngad pithiged gadad u urngin ban’en nma alitnag e dowef nge lanin’uy, ma ngad gayed rogon ni ngad pired ni gadad ba thothup, ni aram e ngu’ud pired ni bay madgun Got u wun’dad.

2 Korinth 5:21

Kristus e dariy e denen ni ngongliy, machane me fek Got e denen rodad nge tay nga daken, ni fan e ngad ta’ab girdi’gad ngak nge yag nda mat’awgad ni bod rogon Got.

Zekariah 13:1

SOMOL ni Gubin ma Rayag Rok e be ga’ar, “Rataw ko ngiyal’ i n’em ma bayi mab ba alublub ni nge machalbog nag e pi’in owchen David, nge girdi’ nu Jerusalem ko den’en nge liyor ko liyos ni yad be tay.

Numbers 19:18

N’en ni ngan rin’ u m’on, e be’ nib be’ech e nge fek bochpa’ i hyssop, nge lithag nga fithik’ fapi ran nge atngiy fare Tent, nge gathon fare Tent, nge nga dakene girdi’ ni bay u rom. Ma bin migid ngay ni ngan rin’, e be’ nib be’ech e nge atngiy e ran nga daken fa’anem nike math nga yilen ba yam’ ara ba yam’ ara low ko yam’.

Numbers 9:13

Machane en nib be’ech nde ta’ay ma demoy u milekag mde un i madnomnag e Paluk’af, e yira n’ag ndabki mang girdi’eg, ni bochan e de pi’ fare maligach ngog ko ngiyal’ ni nge pi’ riy. Thangri gafgow u wenegan e denen rok.

Numbers 8:7

ni ba’aray rogon: mu atngiy fare ran nma machalbog nigey nga dakenrad magog ngorad ngar puyed e piy u dowrad ni ga’ngin miyad luknag e mad rorad. Ma aram miyad machalbog.

Numbers 6:12

mu kum og nagem ngak SOMOL bayay ni ngkum par ni ga ba Nazirite. Dab ni mathe’eg ko tin ba’aram e rran som’on, ni bochan piyan lolugem nib tabgul e ta’ay. Ma ngam fek ba saf ni pumo’on ni ta’reb e duw yangren ni fen e maligach ni mthang malfith.

Levitikus 15:20

Demturug e ren’en nra par fare bpin nga daken, ara mol nga daken u nap’an nib pal mra ta’ay.

Numbers 19:3

ngan pi’ ngak Eleazar ni prist. Ma ngan fek nga wuru’ fagin ni yad be par riy ngan li’ nge y’im u rom u p’eowchen.

Numbers 19:8

Ma re mo’on ni orfeg fare garbaw ni bpin e thangri ki maluknag e mad rok me pu’og e ran nga daken, machane ku ra par nib ta’ay nge mada ko blayal’.

Numbers 19:17

Rogon i chuweg e tin nib ta’ay, e ngan fek boch e awat, ko fare garbaw ni bpin ni ba row ni fa’an ni urfiy ni nge chuweg e denen, nga nin’ nga langgin e thib, ngan puog e ran ngay ni kak’ling.