Numbers 15:25 - Bible Ni Thothup

²⁵ Ma fare prist e ra pi’ fapi maligach ni fan ngak piyu Israel ni ngar be’echgad bayay, mra n’ag Got fan e kireb rorad, ya fare oloboch e gathi leam rorad, ma kar feked e maligach ni fan ko denen rorad i yib nib maligach ni ggan ngak SOMOL.

Numbers 15:25 Referans Kwoze

Levitikus 4:20

Rogon i bangbangnag ere garbaw ney e bod nni rin’ ko fa binem e garbaw ni maligach ni fan ko denen, ni aram kanowa’en e maligach ni nge ngongliy ni fan ko denen ko girdi’, min n’ag fan rorad.

Hebrews 2:17

Fan e re bugithin ney e nge yib i ngal’ ni bod pi walagen u urngin rarogorad, ni fan e nge yag ni mang e Prist ni Th’abi Ga rorad nma runguyrad ma ba yul’yul’ ko pigpig rok ngak Got ni fan e nge yag ni n’ag Got fan e denen rok e girdi’.

Roma 3:25

I pi’ Got Kristus Jesus ni racha’en ni map’ u kuruth e ir e nge yag ni nge n’ag Got fan e denen ko girdi’ riy, ni yira n’ag u daken e michan’ rorad ngak Kristus. I pi’ Got Kristus ni fan e nge yag ni dag Got rogon nib mat’aw nge rogon nma mat’awnag e girdi’ ngak. Kakrom e gum’an’nag Got ir, ngi i fek owchen ko denen rok e girdi’;

1 John 2:2

Yu daken Kristus e ir e be n’ag Got fan e denen rodad riy, ni gathi kemus ni denen rodad, ya ku errogon e denen rok urngin e girdi’.

Luke 23:34

Me ga’ar Jesus, “Chitamag, mu n’ag fan u wun’um e n’en ni yad be rin’! Ya dar nanged e n’en ni yad be rin’.” Miyad f’oth e mad rok rorad, ni yad be girngiy e pow ni nge duwgiliy e bin ni nge fanay bagayad.

Levitikus 4:26

Me urfiy urngin e mam riy u daken fare altar, ni bod ni urfiy e mam ko fa tin ka’an pi’ e gamanman nni li’ ni fen e maligach nma gapaseg thilin Got nge girdi’. Aray rogon konowa’en ni nge pi’ fare prist e maligach ni bayul ko denen rok facha’, ma aram e yira n’ag fan rok.

Hebrews 9:7

machane kemus ni Prist ni Th’abi Ga’ e be yan ngalan e bin tomur e senggil ko tent, nma rin’ ni aram rogon nra reb e duw ma ta’ab yay. Ma fek e racha’ nge yan i pi’ ngak Got ni fan ko denen rok nge fan ko denen nike ngongliy e girdi’ ndar nanged ni yad be denen.

Deuteronomy 21:21

Ma aram e gubin e pumo’on u lan fare binaw e ngar malang niged fare pagel nge yim’, ya nge chuw e mitney e kireb u fithikmed. Ma urngin e girdi’ nu Israel ni yad ra rung’ag e tin ke buch, miyad ra rus.

Eklesiastes 5:6

Dabi mang thin rom e nge waliyem ngam denen, ma ga yan mog ko prist rok Got ni gathi lanin’um ni ngamog. Mangfan ni ngam k’aring Got nge damumuw ngom? Mangfan ni ngam k’aring nge gathey e tin ka mu muruwliy?

Levitikus 4:31

Me chuweg urngin e mam riy, nri bod nni chuweg e mam ko fapi gamanman nli’ ni fen e maligach nma gapaseg thilin Got nge girdi’, ma nge urfiy u daken e altar ni bon e rib fel’ u wan’ SOMOL. Ara’ rogon konowa’en nma pi’ fare prist e bayul ni fan ko denen rok be’ ma yira n’ag fan rok.

Levitikus 4:35

Ma aram me chuweg urngin e mam riy, nri bod rogon ni yima chuweg e mam ko fare saf ni maligach nma gapaseg thilin Got nge girdi’. Me urfiy fare prist fapi mam u daken e altar nib mu’un ko pi ggan ni maligach ni kan ognag ngak SOMOL. Aray rogon ni ngi i pi’ fare prist e bayul ni fan ko denen rok be’ min n’ag fan rok.

Levitikus 15:15

Me pi’ fare prist reb fa gali arche’ nib maligach ni fan ko denen, ma reb e nge pi’ nib maligach ni mo’oruf. Aray rogon ni nge bangbengnag fare prist rogon fa’anem ni nge be’ech.