Numbers 11:16 - Bible Ni Thothup

¹⁶ Me ga’ar SOMOL ngak Moses, “Mu ulunguy medlip i ragag e pumo’on ni yad ma yog e thin rok yu Israel, mfekrad i yib ngog ko fare Tent u p’eowcheg, ma gog ngorad ni ngar sak’iygad u cherem.

Numbers 11:16 Referans Kwoze

Exodus 24:1

Ma ke ga’ar SOMOL ngak Moses, “Mired Aron, nge Nadab, nge Abihu, nge medlip i ragag u fithik’ fapi girdi’ ni yad ma yog e thin rok piyu Israel nga daken e burey; ma nap’an e ki gimed bay nga orel, mi gimed siro’ nga but’ ni gimed be liyor.

Exodus 24:9

Me yan Moses, Aron, Nadab, Abihu nge fa melip i ragag e pi’in yad ma yog e thin rok piyu Israel nga daken fare burey,

Deuteronomy 16:18

“Mmel’eged boch e girdi’ ngar manged pi tapuf oloboch nge boch ni nge mang tolang u gubin e binaw nike pi’ SOMOL ni Got romed ngomed. Pi pumo’on ney e ngu’ur pithiged e yu pa’ i oloboch u puluwon e girdi’ ni rogon nib mat’aw.

Deuteronomy 1:15

Are kug fek e pi tayugang’ ni kam mel’eged ko pi genong romed. Pi cha’ ney e yad ba gonop ma ke yo’or ban’en ni karanod u fithik’ u lan e yafos rorad. Kug tayrad ngu’ur gafaliyed gimed. Boch i yad e ngu’ur gafaliyed yu biyu’ i girdi’, ma boch i yad e yu ra’ay, ma boch i yad e yu wugem, ma boch i yad e yu ragag. Mu kug mel’eg boch e mitethin u fithik’ e pi genong romed.

Genesis 46:27

Ma ku l’agruw e pagel nni gargeleg ni fak Josef u Egypt, nge yan i gaman medlip i ragag u gubin girdi’en e tabinaw rok Jakob ni yan nga Egypt.

Luke 10:17

Me sul fa medlip i ragag nge l’agruw i girdi’ ngak ni kar felan’gad me lungurad, “Somol, i mus ko pi mo’onyan’ miyad fol romad ni fa’ani gogned ngorad u fithingam e tin ni ngar rin’ed!”

Luke 10:1

Tomuren e biney me mel’eg Somol yugu boch e girdi’ ni medlip i ragag nge l’agruw i pumo’on me l’oegrad ngranod ni yad lal’agruw, ni ngar m’onod rok ngranod ngalan urngin e binaw nge yungi n’en ni be n’en ni nge yan ngay.

Ezekiel 8:11

Medlip i ragag e tolang rok yu Israel ni bay u rom, nib mu’un Jaazaniah ngay nib pagel ni fak Shafan. Ra bagyad ma ke kol nga pa’ barba’ i n’en ni yima urfiy e incense riy, ni be yib e ath riy ngalang.

Exodus 4:29

Me yan Moses nge Aron ngar ulunguyew urngin e pi’in yad be yog e thin rok piyu Israel.

Deuteronomy 31:28

Mu ulunguyed nga p’eowcheg urngin e pi ilal ko pi ganong romed, nge pi tolang romed, ya nge yag ni gu weliy ngorad e pi thin ney; bay gu non ngak e tharmiy nge fayleng ngar mangew mich rog nib togopluw ngorad.

Exodus 18:25

Me mel’eg Moses e pumo’on nrayag e re maruwel ney rorad, me dugliyrad ni yad ba ga’ ko yu biyu’ nge yu ra’ay, nge yu wugem, nge yu ragag.

Numbers 11:24

Me yib Moses nga wean me yog ngak e girdi’ e tin keyog SOMOL. Me ulunguy medlip i ragag e pumo’on ni yad ma yog e thin rok yu Israel ngarbad ra pired ni kar liyeged fare Tent.

Jeremiah 19:1

Me yog SOMOL ngog ni nggu wan nggu chuw’iy ba rume’ nni ngongliy ko but’. I yog ngog ni nggu fek boch e pi’lal u fithik’ e girdi’ nge boch e prist ni tin pi’lal,

Numbers 16:25

Ma aram me un fapi tayugang’ nu Israel ngak Moses, ngranod ngak Dathan nge Abiram.