Nehemiah 9:37 - Bible Ni Thothup

³⁷ Yong’olen fare but’ e be yan ngak e pi pilung ni kam taymad nga tan pa’rad ni bochan e gu denengad. Tin yad be finey e yad be rin’ ngomad nge garbaw romad, ma gamad be par u fithik’ e kireban’ nib gel!”

Nehemiah 9:37 Referans Kwoze

Deuteronomy 28:33

Yug reb e nam ndam nanged e bayi fek urngin e woldug ni kam yunged nrib gel e maruwel nim ted riy, ma dariy ban’en nra yib ngomed, ya kemus ni gafgow e bay i yib ngomed ni gubin ngiyal’ ma tin ba kireb e bay un rin’ ngomed.

Deuteronomy 28:48

Aram fan ni bay mu pigpiggad ngak e to’ogor romed ni bayi pi’rad SOMOL ngar togopluwgad ngomed. Bay yib e bilig nge balel ngomed, ma bay mu pired u tamilang ndariy e mad u dakenmed — urngin ban’en mri bayi t’uf romed. Bayi gafgow nagmed SOMOL nib gel ngarim bilged t’ay e gafgow.

Ezra 7:24

Thingar dab mu feked e tax u pa’ e pi prist, nge pi Levi, nge girdi’en e musik nu Tempel, nge pi matanag, nge girdi’en e maruwel, nge yugu reb e tapigpig ko Tempel.

John 8:33

Miyad fulweg ni lungurad, “Gamad owchen Abraham, ma dawor gu manged sib rok be’ bi’id. Ere mangfan ni ga be yog ni be lungum, Bayi ayuwegmed nge dab kum pired ni gimed e sib?”

Nehemiah 5:8

me lungug, “Ka aram nap’an i yib ni gadad ma guy rogon ngu’ud chuw’iyed e girdi’ rodad ni Jew nni pi’rad nchu’way nga boch e nam. Ma chiney e gimed be suruy e girdi’ romed ni ngar pi’ed yad ni chuway’ ngomed, ni gimed e ku girdi’ rorad!” Me th’ab fapi tayugang’ gulungrad ni dakuriy ban’en ni kiyag ni ngarogned.

Ezra 6:8

I gag e gu be yog ngomed ni ngam ayuweged yad ngar toyed. Salpiy ni nge yan nga puluwon e ngan fek ko chubgil ko pilung ni aram e tax ni yibe kunuy u pa’ e girdi’ u ley ni ngal yu Eufrates, nge dabi tal e maruwel riy.

Ezra 4:13

I gur emperor, fa’an yira ngongliy bayay e re binaw ney min mu’nag fa yung i rungrung riy, me tal e girdi’ i pi e tax, mra buchu’uw e salpiy u lan e chubgil rom.

Deuteronomy 28:51

Bay ra longuyed e gamanman romed nge woldug romed, mi gimed yim’ nriyul’ ko bilig. Dab ra paged romed boch e grain, nge wayin, nge gapgep ni olive, nge garbaw nge saf; ma aram e bay mm’ad.

Deuteronomy 28:39

Bay mu yunged e yungi woldug ni grape romed mu’um tamilang niged owchen, machane dab mu t’ared wom’ngin ara mu unumed e wayin riy, ni bochan e bayi longuy e fakl’ud.

Levitikus 26:17

Bay gu pi’ keru’ug ngomed, ya ngam waergad, ma pi’in yad ba fananikaymed e bay ra gagiyeg niged gimed; bay um pired u fithik’ e marus ngu’um milgad ndariy be’ ni be tulufmed.

Lamentations 5:5

Yibe maruwel ngomad nib gel ni bod e dongki ara kamel, nike aw parowmad, ma danir pi’ e toffan ngomad.