Nehemiah 9:30 - Bible Ni Thothup

³⁰ Um ginangrad u fithik’ e gumaen’ u reb e duw ngu reb. Thin rom e i yog e pi profet rom, machane ba man tel e girdi’ rom, aram ma ga pagrad nge gel boch e nam ngorad.

Nehemiah 9:30 Referans Kwoze

Roma 2:4

Sana dariyfan u wun’um feni gol Got, nge feni k’adan’, nge feni gumaen’. Bmuduwgil ni ga manang ni Got e ba gol yabe guy rogon ni nge pow’iyem ngam kolngan’um ko kireb ni ga be rin’ ma ga turguy u wun’um ni ngam pi’ keru’um ngay.

Acts 7:51

“Ri gimed ba gelan’! Lanin’med e bod laniyan’ e pi’in ndawor ra nanged Got, ma kam ninged telmed ni nge dab mu rung’aged e thin rok Got nike pi’ ni nganib nog ngomed. Ri gimed bod rogon pi chitamangimed: ku errogon gimed ni kafram i yib ni gubin ngiyal’ ma gimed be togopluw ngak fare Kan Nthothup!

Isaiah 42:24

Mini’ e ke pi’ yu Israel nga pa’ e to’ogor rorad ka ni fek e chugum rorad? I SOMOL, ni ir e ud denengad nib togopluw ngak! Da ud pired nrogon ni ba’adag ni ngad pired ara u da folgad ko machib rok.

2 Peter 1:21

Ya dariy bbugithin ni yog e profet ni sum u laniyan’ be’, ya fare Kan Nthothup rok Got e yib i ying ngak e girdi’ ngar weliyed e thin nike yib rok Got ngorad.

1 Peter 1:11

Ur guyed rogon ni ngar pir’eged e ngiyal’ nge rogon ni bay yib. Ya Kan ni Thothup rok Kristus ni immoy u fithik’rad e yog e re ngiyal’ i n’ey ni be yi’iynag e pi gafgow ni nge athamgiliy Kristus, nge fla’ab ni bay yib nga tomuren.

Zekariah 7:13

Bochan e gu non ma dar motoyilgad, aramfan ni dagu fulweg taban e meybil rorad.

Lamentations 2:17

I SOMOL e ke rin’ n’en ni yog nra rin’: Ke gechig nagdad ndaki wurngan’, ni bod ni yog ngodad kakrom. Ke pag e pi to’ogor ke gel ngodad, ni kar uf uf gad ko waer ni kadted.

Jeremiah 25:4

Damur motoyilgad ma ku damur tiyan’med, ni yug amrogon ni ku be par Got ni be l’oeg e profet ngomed e tapigpig rok.

Isaiah 63:10

machane miyad togopluw ngak, me kireban’ SOMOL. Ma aram me par nike mang to’ogor rorad me cham ngorad.

Nehemiah 9:29

Um ning chiylen ngorad nthingar ra folgad ko fonow rom, ma fithik’ e tolangan’ rorad miyad n’ag e pi motochiyel rom, ni yugu aram rogon ni kanawo’ ko yafos e Motochiyel rom ni ngan fol riy. Feni gel lanin’rad nge farad gelan’, miyad siyeg ni ngar folgad.

Nehemiah 9:26

“Machane me cheal e tirom e girdi’ ngu’ur togopluwgad ni da kurfolgad rom; ra pi’ed keru’rad ko Motochiyel rom, Ra thanged e fan rok e pi profet ni ur fonow niged yad, ya urogned ngorad ni ngar sulod ngom. Mu ur pired ngu’ur darifan niged gur;

Acts 28:25

Ma aram miyad yan ndakir ta’reb lanin’rad u fithik’rad u tomuren nike yog Paul e re bugithin ni ba’aray ni ga’ar, “Rib fel’ rogon ni welthin fare Kan Nthothup u l’ugun fare profet ni Isaiah ni welthin ngak e pi chitamangimed!

Acts 13:18

ma aningeg i ragag e duw ni k’adan’ rorad u daken e ted.

Jeremiah 44:22

Ka daba’ e nge puth e binaw romed ma dakuriy be’ nra par riy. Ke par ya’an nike tamdag, ma fithingan e ke mang ba yaba’ ni bochan e SOMOL e dab kiyag ni nge k’adan’ ko kireb nge ngongol ni kireb ni gimed be rin’.

Jeremiah 7:25

Chirofen ni ba’aram ni yib pi chitamangimed nga wuru’ yu Egypt ke mada’ ko bin daba’ e rran, e ku gu par ni gu be pi’ urngin e pi tapigpig rog ngu’ur bad ngomed, ni fapi profet.

Psalms 86:15

Machane gur Somol e ga ba Got nri gama runguy ma bt’uf e girdi’ rom, gubin ngiyal’ ni ga ba gumaen’, gubin ngiyal’ ni ga ba gol ma ga ba yul’yul’.

Nehemiah 9:20

U mog ngorad e n’en ni ngar rin’ed ni bochan e gab gol; um durwi’iyrad ko manna mu’um pi’ e ran ni ngar unumed.

2 Peter 3:9

Ya dawori sowath Somol ni nge rin’ e tin keyog nra rin’, ni bod rogon ni be leamnag boch e girdi’. Ya be gum’an’nag ir u puluwmed, ni fan e dabun ni nge n’ag be’, ya ba’adag ni nge urngin e girdi’ miyad pi’ keru’rad ko urngin e denen ni yad be rin’.

Numbers 11:26

L’agruw ko fa medlip i ragag i girdi’ ni yad ma yog e thin, ni aram Eldad nge Medad e ra pirew ko gin ni bay e pi Tent rok piyu Israel riy ma da ranow ko fare Tent. Mu rom ko gin ni yow bay riy e yib fare gonop riy nga lanin’row, mi yow welthin ni bod rogon e profet.

Psalms 95:10

Aningeg i ragag e duw nri gu dabuy e ngongol rok e pi girdi’ nem; i lungug, ‘Ri darir yul’yul’gad! Ya ra siyegged ni ngar rin’ed e tin ni kugog ngorad ni ngar rin’ed.’

Isaiah 28:10

Be guy rogon ni nge fil e yol ngodad ni reb nge reb, bathael nge bathael, reb e ban’en nge reb e ban’en.”

Isaiah 48:9

“Fan e nge mathangeluwolnag e girdi’ fithingag, er fan nikug k’adan’ug ko damumuw rog; gube fil an’ug ni nge dab gu thang owchemed.

Zekariah 7:12

miyad el elnag lanin’rad ni bod e malang. Ni bochan e dar motoyilgad ko fanow ni gog u l’ugun e pi profet ni urmoyed kakrom, ma aram mri gu damumuw.

2 Kings 18:11

Me fek fare pilung nu Assyria e girdi’ nu Israel nga Assyria ni kalbus, me yan i tay boch i yad ko binaw nu Halah, me tay boch i yad nib chugur ko lul’ ni Habor ko nug nu Gozan, me tay boch i yad ko pi binaw ni bay u lan yu Media.

2 Kings 21:10

U l’ugun e pi profet ni tapigpig rok SOMOL e yog riy ni ga’ar,

2 Kronicles 24:19

Me pi’ SOMOL e pi profet ni nge yib i ginangrad ni ngar sulod ngak, machane daburad ni ngar motoyilgad.

Ezra 9:10

Got, me’ere chiney, mang e ku rayag ni nggogned nga tomuren urngin e tin’ey? Ya kug pi’ed keru’mad bayay ko tin mog ngomad

Jeremiah 44:4

Dag tal i pi’ ngomed e pi profet ni tapigpig rog, ngi i yog ngomed ni dab mu rin’ed e ran’ey ni rib kireb ni gub fananikay.

Jeremiah 44:5

Machane da um motoyilgad ara mu folgad riy. Dariy e ngam paged e ngongol romed ni kireb ko maligach ni gimed be pi’ ngak yug boch e got.

Daniel 9:6

Da ug rung’aged e tin i yog e pi tapigpig rom ni fapi profet, ni yad e ur welthingad ngak e pi pilung romad u fithingam, nge ngak e pi’in ni ur gagiyeg niged gamad, nge ngak pi chitamangimad ni kakrom, nge girdi’en e nam romad ni urngin.