Nehemiah 9:27 - Bible Ni Thothup

²⁷ aram ma ga pag e pi to’ogor rorad ngar gelgad ngorad miyad par nga tan pa’rad. U fithik’ e gafgow ni yib ngorad miyad ning e ayuw ngom, ma ga fulweg taban e meybil rorad u tharmiy. Runguy rom nib ga’ e mu pi’ ngorad e pi’in ni ngu’ur gagiyeg niged yad ni yad e ra chuweged yad u pa’ e to’ogor rorad.

Nehemiah 9:27 Referans Kwoze

2 Kings 14:27

Machane gathi ke finey SOMOL ni nge thang owchen yu Israel ni manemus, aram me ayuwegrad u daken Jeroboam ni Pilung.

2 Kings 13:5

Me l’oeg SOMOL reb e tagagiyeg ngak yu Israel, ni ir e pithigrad u pa’ piyu Syria, ma aram me par piyu Israel u fithik’ e gapas, ni bod kafram.

2 Kronicles 36:17

Ma aram me pag SOMOL fare pilung nu Babylon nge cham ngorad. I thang fare pilung e fan rok e pi’in pagel nu Judah ni mus ngak e tin bay u Tempel. Dariy be’ ni runguy, fel’ yangren fa pilbithir, pumo’on ara ppin, m’ar nge pi’in de m’ar. I pi’rad Got nga pa’ ni yad gubin.

Judges 2:18

Nap’an nra pi’ SOMOL be’ ngorad ni ir e ngi i gafaliyrad, me ayuweg SOMOL fa’anem, nge ayweg piyu Israel u pa’ e pi to’ogor rorad u n’umngin nap’an nra par fa’anem nib fos. I runguyrad SOMOL, ya ur gilgel’gad u fithik’ e gafgow nge togopluw ni i tay e pi to’ogor rorad ngorad.

Obadiah 1:21

Pumo’on ni falu’ nu Jerusalem e bay ra cham gad nga Edom ngar gagiyeg niged. Ma SOMOL e ir e bayi pilung.”

Nehemiah 9:19

Machane da mu n’agrad u rom u daken e ted nder tugul ban’en riy, ni bochan e runguy rom nib ga’. Da mchuweg fa gi manileng nge fare nifiy ni i pow’iyrad ni rran nge nep’.

Levitikus 26:17

Bay gu pi’ keru’ug ngomed, ya ngam waergad, ma pi’in yad ba fananikaymed e bay ra gagiyeg niged gimed; bay um pired u fithik’ e marus ngu’um milgad ndariy be’ ni be tulufmed.

2 Kings 17:20

Me fek SOMOL owchen rok urngin piyu Israel, me gechig nagrad me pi’rad nga pa’ e pi to’ogor ni buchan’ nma’ngach nge yan i taw ko ngiyal’ nike tharbegrad u p’eowchen.

2 Kings 17:39

Thingar mu folgad rog, i gag fare SOMOL ni Got romed ma gu ra ayuwegmed u pa’ e pi to’ogor romed.”

Psalms 136:24

I pithigdad u pa’ e to’ogor rodad; t’ufeg rok e ba manemus.