Nehemiah 9:26 - Bible Ni Thothup

²⁶ “Machane me cheal e tirom e girdi’ ngu’ur togopluwgad ni da kurfolgad rom; ra pi’ed keru’rad ko Motochiyel rom, Ra thanged e fan rok e pi profet ni ur fonow niged yad, ya urogned ngorad ni ngar sulod ngom. Mu ur pired ngu’ur darifan niged gur;

Nehemiah 9:26 Referans Kwoze

1 Kings 14:9

Pi denen ni kam rin’ e ba gel e kireb riy ko tin ni i rin’ e pi’in ni ur gagiyeggad ni yad m’on rom. Kam pi’ keru’um ngog ma kam k’aring e damumuw ngog ko pi liyos ni ga be ngongliy nge ya’an bogi ban’en nni ngongliy ko wasey ni yibe tayfan.

Nehemiah 9:18

Ra ngongliyed ba liyos ni bod ya’an ba garbaw, miyad yog ni ir fare kan ni fekrad nga wuru’ yu Egypt! SOMOL, rib ga’ e dariy fan nra ted ngom!

Acts 7:52

Gur immoy ta’reb e profet ni pag pi chitamangimed ndar gafgow niged? Ra thanged e pogofan rok e pi’in nra feked e thin rok Got i yib ngorad ni Got e l’oegrad, ni kab kakrom me weliy Got ngorad murung’agen e wub ni bayi tay e Tapigpig rok ni be’ nib mat’aw. Me ere chiney e kam thanged e pogofan rok ni bochan e gimed e kam pi’ed kan li’.

1 Kings 19:10

Me fulweg ni ga’ar, “SOMOL ni Got ni Gubin ma Rayag Rom, ka faram i yib ke mada’ ko chiney ni kemus ni gur e gu be pigpig ngom, machane girdi’ nu Israel e kar th’abed e m’ag u thilmed, ma kar buthuged e pi altar rom, ma kar thanged e pogofan rok urngin e pi profet rom. Kemus ni gag e kug magey, ma yad be guy rogon ni ngar thanged e pogofan rog.”

1 Kings 18:4

ere nap’an ni be thang Jezebel e pogofan ko pi profet rok SOMOL, me mithag Obadiah ra’ay i yad ngalan e yiy, nra reb e yiy me tay wugem i yad ngay mi i pi’ e ggan nge garbod ngorad.

Matthew 21:35

Me kol fa pi’in kar ninged fa gi woldug fapi sib rok facha’, ngar pirdi’iyed bagayad, miyad li’ bagayad ngem’, miyad malangnag bagayad.

Ezekiel 20:21

“Ma binem e mfen e ku ra togopluwgad ngog. Ku ra th’abed e motochiyel rog nge tin gog nra pi’ e yafos ko en nra fol riy. Ku ra dariyfan naged e Sabbath. Kug fal’eg rogog ni nggu gechig nagrad ngar thamiyed ga’ngin gelngin e damumuw rog, u rom u lan e ted ni desert e nggu thang owcharad riy.

Psalms 50:17

Ka mu siyeged e fonow rog; ka mu n’iged e tin kug ta’chiylen.

Nehemiah 9:30

Um ginangrad u fithik’ e gumaen’ u reb e duw ngu reb. Thin rom e i yog e pi profet rom, machane ba man tel e girdi’ rom, aram ma ga pagrad nge gel boch e nam ngorad.

2 Kronicles 36:16

Machane ur moning niged e pi tamol’og rok Got, ngu’ur feked yathin e pi thin rok ma yad be minmin ko pi profet rok, me munmun ma kari gel e damumuw rok SOMOL ko girdi’ rok ni dakiyag nrathaygad ko damumuw rok.

2 Kings 21:11

“I Manasseh ni Pilung e ke rin’ e pin’ey nib sonogor, bogi ban’en nib pag fini kireb ko tin i rin’ piyu Kanaan; ma pi liyos rok e ke waliy e girdi’ nu Judah nga fithik’ e denen.

1 Kings 18:13

Mog, dawor mu rung’ag ni fa ngiyal’nem ni be thang Jezebel e pogofan ko pi profet rok SOMOL ma ra’ay i yad e gu mithag ngalan e yiy ni yad l’agruw ulung nra reb e ulung ma wugem, mu ug pi’ garad nge garbod rorad?

Judges 10:6

Miki denen piyu Israel bayay nib togopluw ngak SOMOL ngu’ur ted fan fapi kan ni Baal nge pi ya’an Astartes, nge pi got rok yu Syria, Sidon, Moab, Ammon, nge Filistia. Ra n’aged SOMOL miyad pag ni da kur liyorgad ngak.

Nehemiah 9:29

Um ning chiylen ngorad nthingar ra folgad ko fonow rom, ma fithik’ e tolangan’ rorad miyad n’ag e pi motochiyel rom, ni yugu aram rogon ni kanawo’ ko yafos e Motochiyel rom ni ngan fol riy. Feni gel lanin’rad nge farad gelan’, miyad siyeg ni ngar folgad.

Jeremiah 2:30

Ggechig nagmed, ma da mu lowgad; ya dabumed ni ngam pagedgag nggu yal’uwegmed. Ni gimed bod e gamanman ni layon nike damumuw be burtel, ngu’um thanged e pogofan rok e pi profet romed.

Jeremiah 16:11

Ma aram e ngamog ngorad ni SOMOL e ke ga’ar, ‘Pi chitamangimed e ra pi’ed keru’rad ngog ng’ur ted fan ma yad be pigpig nga yug boch e got. Ra n’iged gag ni da ku ra folgad ko tin gu machib nag.

Jeremiah 32:23

Machane fa’an rabad ngalan e re binaw ney nge mil suwon e gubin ban’en ngorad, ma da ur folgad ko pin’en ni u mog ni ngan rin’ ara ur pired ni bod rogon ni um machibnag; ma da rin’ed e tin mog ni ngar rin’ed. Ere ka mu fek urngin e pi gafgow ney nga dakenrad.

Jeremiah 42:19

Ma aram mu kug ul ul ngay ngug ga’ar, “Be yog SOMOL ngomed e girdi’ ni kam magach gad u Judah ndab marod nga Egypt. Ma aram e gu be yog ngomed e chiney

Lamentations 3:42

“Kug denen gad ma kug togopluwgad, me gur SOMOL, e dawor mu n’ag fan romad.

Deuteronomy 32:14

Pi garbaw nge kaming rorad e u ra pi’ed e milik nib yo’or; tirorad e saf nge kaming nge garbaw e th’abi fel’ ni immoy, ma ku er i tay e wheat nge wayin rorad.

Deuteronomy 32:15

“Girdi’ rok SOMOL e i pire’ ban’en rorad, machane ba gel e togopluw ni ur ted; ra sugsuggad ya pire’ e ggan ni yad be kay. Miyad pi’ keru’rad ngak Got ni ir e sunumiyrad, ma en ni ta’ayuw rorad nib gel gelngin e ra pi’ed keru’rad ngak.

2 Kings 21:10

U l’ugun e pi profet ni tapigpig rok SOMOL e yog riy ni ga’ar,

Jeremiah 2:7

Mu gu fekrad i yib nga ba nam nib yong’ol e but’ riy; ni ngar felan’gad ko woldug riy nge tin ni bfel’ ban’en ni bay riy. Machane fa’an rabad miyad kirebnag e nam rog; ya ka ra sonogor niged fare nam ni gu pi’ ngorad.