Nehemiah 9:24 - Bible Ni Thothup

²⁴ Ra gelgad ko nam nu Kanaan; mu gel ngak e girdi’ nma par u rom. Mpi’ mat’wun e tirom e girdi’ e ngiyal’nem ni ngar rin’ed e tin yad ba’adag ngak e girdi’ nge pi pilung ko nam nu Kanaan.

Nehemiah 9:24 Referans Kwoze

Joshua 21:43

Ere SOMOL e pi’ fare nam ni ga’ngin ngak piyu Israel, ya ri michmicheg ngak e pi chitamangirad kakrom nra pi’ ngorad. Nap’an ni yag ngorad, miyad par u rom.

Joshua 18:1

Nga tomuren nike kol yu Israel fare nam miyad mu’ulung ni yad gubin nga Shiloh ngar n’ufed ngalang fare Tent u p’eowchen SOMOL.

Joshua 11:23

Me kol Joshua fare nam ni ga’ngin, ni bod ni yog SOMOL ngak Moses. Me pi’ Joshua fare nam ngak piyu Israel ngar tafned miyad tay e f’oth riy nra reb e ganong ma bang. Ma aram me toffan e girdi’ ko mael.

2 Timothy 2:26

Me sulan’rad ngorad ngar milgad nga orel ko wup rok mo’onyan’, ni ir e ke kolrad ke tayrad, yad be fol ko tin ni ba’adag.

1 Kronicles 22:18

Me ga’ar, “I SOMOL ni Got rom e ke par rom ma ke awnag e gapas u gubin yang u to’obem. I pageg nge gel lungug ko gubin e girdi’ ni ur pired e lan e re nam ney, ma chiney e ke mil farad ngak SOMOL nge gur.

Joshua 21:45

I SOMOL e de thilyeg ta’reb fa tin ke micheg nra rin’ ngak e girdi’ nu Israel.

Numbers 14:31

Ka mogned ni yira kol pifakmed u fithik’ e mael nga ni fekrad, machane bay gu fekrad i yan ngalan fare nam ni kam pi’ed keru’med ngay, ma bayi mang taferad.

Judges 4:23

Rofen nem e gelnag Got piyu Israel ngak Jabin, ni fare pilung nu Kanaan.

Joshua 10:40

Miki kol Joshua fare nam ni ga’ngin. Me gel ngak fapi pilung ko fapi binaw ni go’ burey, nge pi binaw nu sigre’en e burey ko ngek, nge binaw u enggin e burey ko ngal, ma ku er rogon e tin bay ko pi binaw ndariy e ran riy ni bay ko yimuch. Dariy ta’abe’ ni digey; gubin e girdi’ nni thang e fan rorad. Irera’ e n’en nike yog SOMOL ni Got rok yu Israel ni ngan rin’.

Joshua 12:12

Eglon, Gezer,

Joshua 12:24

ngu Tirzah — guyey nge ta’reb e pilung u gubin.

Ester 9:5

Ere pi Jew e yag ni ngar rin’ed e tin yad ba’adag ngak e pi to’ogor rorad. Ra chamgad ko saydon ngar li’edyad ngarm’ad.