Nehemiah 9:19 - Bible Ni Thothup

¹⁹ Machane da mu n’agrad u rom u daken e ted nder tugul ban’en riy, ni bochan e runguy rom nib ga’. Da mchuweg fa gi manileng nge fare nifiy ni i pow’iyrad ni rran nge nep’.

Nehemiah 9:19 Referans Kwoze

Psalms 106:45

Bochrad me yib ngan’ e m’ag rok u thilrad, ma bochan e t’ufeg rok nib ga’ me waer e damumuw rok.

Nehemiah 9:27

aram ma ga pag e pi to’ogor rorad ngar gelgad ngorad miyad par nga tan pa’rad. U fithik’ e gafgow ni yib ngorad miyad ning e ayuw ngom, ma ga fulweg taban e meybil rorad u tharmiy. Runguy rom nib ga’ e mu pi’ ngorad e pi’in ni ngu’ur gagiyeg niged yad ni yad e ra chuweged yad u pa’ e to’ogor rorad.

Malaki 3:6

“I gag e SOMOL ma ri dab gu thil. Ere gimed e pi’in owchen Jakob e dawor mmalog gad e chiney.

Nehemiah 9:12

Ma bayi rran ma bangi manileng e ga be pow’iyrad ngay, ma bayi nep’ ma ggal’ e gin ni ngranod riy nga ramaen ba nifiy ni be mat.

Daniel 9:18

Got, mu telim ngomad; mu sap ngomad ngam guy e gafgow ni kug pired nga fithik’ nge gafgow nike tay fare binaw ni kan tunguy fithingam ngay. Gamad be meybil ngom ya ga ma runguy e girdi’, ma gathi bochan e kug rin’ed e tin nib mat’aw.

Daniel 9:9

I gur e ga ma runguy e girdi’ ma ga ma n’ag fan u wun’um e kireb rok e girdi’, yug aram rogon ni u gu togopluwgad ngom.

Numbers 14:14

ma yad ra weliy ngak e girdi’ ni be par ko re nam ney. Ya girdi’ ko re nam ney e kar rung’aged ni gur SOMOL e ga bay romad, ni ga ma m’ug ngomad ko ngiyal’ nra yib i tal fa gi manileng rom u puluwmad ngalang, ma ga m’on romad ni ga bay u fithik’ bang i manileng nib k’iy ngalang ni rran, ma nep’ e ba nifiy nib k’iy ngalang.

Ezekiel 20:22

Machane da gu rin’, ni bochan e ra kirebnag fithngag u fithik’ e pi nam ni kar guyed ni gu fek yu Israel nga wuru’ yu Egypt.

Ezekiel 20:14

Machane da gu rin’, ni bochan e ra m’ayfan fithngag u fithik’ e pi nam nra guyed gag ni gu pow’iy yu Israel nga wuru’ yu Egypt.

Lamentations 3:22

Fare t’ufeg rok SOMOL ni dabi m’ay nge marunguy rok e ku be ul ul i yan,

Isaiah 44:21

Be ga’ar SOMOL, “Israel, mu leamnag e pin’en ni ba’aray; dab mu pag talin ni gur e tapigpig rog. Gu sunumiyem ni ngam mang tapigpig rog, ma ri dab gu pag talim.

Nehemiah 9:31

Machane bochan e runguy rom ni ba ga’ ma da mu n’agrad ara mu thang owcherad. I gur ba Got ni gab gol ma ga ma runguy e girdi’!

Exodus 40:38

Demuturug e gin’en ni yad be milekag riy, ma SOMOL e bay rorad. Ra rran ma fa gi manileng rok e bay u daken fare Tent, ma ra nep’ ma ba nifiy ni be daramram e bay u daken.

1 Samuel 12:22

SOMOL e ke micheg ndabi n’agmed, ya ke duwgiliy u wan’ ni ngam manged girdi’en.

Exodus 40:36

Nap’an nra puw ngalang fa gi manileng u daken fare Tent, ma aram e pug yu Israel e tirorad e tent ngar thilyeged tagilrad.

Deuteronomy 8:2

Mu tafnay niged rogon ni i pow’iymed SOMOL ni Got romed u daken e ted i yan ni aningeg i ragag e duw ni ba milekag nib n’uw wo’en, ma be pi’ bogi n’en nib mo’maw’ be yib ngomed ni be sikeng nagmed, ya nge guy e n’en ni gimed ra rin’ ko gimed ra fol ko tin keyog ni ngu’um rin’ed fa dangay.

Psalms 136:16

I gafaliy e girdi’ rok u daken e ted ni desert; t’ufeg rok e ba manemus.

Ezekiel 20:17

“Machane me kireban’ug ngorad. Mug turguy ni dab gu thang e pogofan rorad u rom u daken e ted.