Nehemiah 8:9 - Bible Ni Thothup

⁹ Fa’ani rung’ag e girdi’ e tin be yog e Motochiyel ni dabisiy ni ngan rin’, miyad tabab ko meyor. Mi Nehemiah, ni ir e governor, nge Ezra, ni fare prist ni ir e ba tamilangan’ ko Motochiyel nge pi Levite ni yad e ur weliyed fan fapi Motochiyel ngak e girdi’ e lungurad, “Bin daba’ e rran e ba thothup ni fan ngak SOMOL ni Got romed. Ere dabi kireban’med ma dab mu yorgad.

Nehemiah 8:9 Referans Kwoze

Nehemiah 7:70

Bo’or e girdi’ nra ayuwgad i pi’ puluwon fare Tempel ni ngan toy bayay: Governor 270 ounces e gol 50 raba’ e dabiy ni yima fanay ko madnom bowl 530 madan e prist Lolgen e yuke girdi’ 337 e pawn e gol 3,215 pawn e silber Tin kabay e girdi’ 337 pawn e gol 2,923 pawn e silber 67 madan e prist

Nehemiah 7:65

Governor ko Jew e yog ngorad ni dab ra ked e ggan ni kan ognag ngak Got nge taw ko ngiyal’ nike yag reb e prist nrayag ni nge maruwel ko fare Urim nge Thummim.

Deuteronomy 12:12

Ma aram mu um felfelan’gad u p’eowchen SOMOL, ni gimed nge pifakmed, nge pi tapigpig romed, nge pi Levite ni yad be par u lan e pi binaw romed. Dab mpaged talin ni pi Levite e gathi bay ni pi’ e binaw ngorad ngar tafned.

Nehemiah 8:2

Me yan Ezra i fek i yib ko gin nike mu’ulung e girdi’ ngay, ni pumo’on nge ppin nge pi’in ni bitir ni yad ra rung’ag miyad nang fan.

Deuteronomy 16:11

Mu felfelan’ gad u p’eowchen SOMOL ni Got romed, ni gimed nge pifakmed, nge pi tapigpig, nge pi Levite, nge milekag, nge pi’in kanim’ rorad, nge pi’in ke yim’ figirngirad ni yad ma par u lan fa yoch i binaw romed. Mu rin’ed ni aray rogon ko fa ta’gin’en ni tagil’ e liyor.

Isaiah 61:3

Mu gu pi’ e felfelan’, ngak e pi’in ni kar pired u Zion nike kireban’rad, nge yan nga luwan e kireban’ rorad. Ba tang ko ogmagaer e nge yan nga luwan e gafgowan’. Bay ra boded yuke gek’iy ni SOMOL e yung. Yad gubin ni bay rin’ed e n’en ni bfel’, mi ni pining e sorok ngak Got ko n’en ke rin’.

Eklesiastes 3:4

Ma turguy ngal’an ni nge kireban’uy nge ngal’an ni nge felan’uy; nge ngal’an e dolol’oy nge ngal’an e churu’;

Ezra 2:63

Governor ko Jew e yog ngorad ndab ra ked e ggan ni kan pi’ ni maligach ngak Got nge mada’ ko ngiyal’ ni bay ba prist nrayag ni nge maruwel ko fare Urim nge Thummim.

Deuteronomy 12:7

U rom u p’eowchen SOMOL ni Got romed, ni ir e be fal’eg wa’athmed, e gimed nge girdi’en e tabnaw romed e ngam abichgad nga mu felfelan’gad ko tin bfel’ ni kam muruwliyed.

Roma 7:9

Ngiyal’ ni ba’aram ndariy e motochiyel e ug par ni gub fos; machane fa’ani yib e motochiyel me yib i m’ug e denen,

Roma 3:20

Dariy be’ nra i rin’ e tin nike yog e re Motochiyel nem me yan i par nike mat’aw u p’eowchen Got; ya maruwel ko Motochiyel e nge ayuweg be’ nge nang fa’anem nike denen.

Malaki 2:13

Ku ba’aray reb e ban’en ni gimed be rin’. Kam lumach niged e altar rok SOMOL ko lu’ ni gimed be yor ma gimed be dololoy’, ya dakir fek e pi maligach ni gimed be fek i yib ngak.

Hosea 4:6

Girdi’ rog e kan thirifrad u but’ ya dakriy madgug u wun’rad. Gimed e pi prist e kam pi’ed keru’med ngog, are nggu n’agmed ni dabkum manged prist rog. Ma bochan e kam paged talin e motochiyel ko Got romed, ma aram e bay kug pag talin pifakmed ni pumo’on.

Nehemiah 12:26

Pi girdi’ ney e urmed u nap’an Joyakim, nib mo’on ni fak Joshua nib mo’on ni fak Jehozadak, nge nap’an ni Nehemiah e governor, nge nap’an Ezra ni fare prist ni ir e ba tamilangan’ ko Motochiyel.

Nehemiah 10:1

Pi’in nra sayingad nga but’ e Nehemiah ni governor nib mo’on ni fak Hakaliah, nge Zedekiah,

Ezra 7:11

Artaxerxes ni Emperor e pi’ e re babyor ni ba’aray ngak Ezra, ni fare prist ma ba tamilangan’, ya rib tamilangan’ ko fapi motochiyel nge tin ni yog SOMOL ngak yu Israel ni ngu’ur rin’ed.

2 Kronicles 35:3

Miki pi’ e pi fanow ni ba’aray ngak yu Levi, nge pi tamamchib nu Israel, ni ka ni yibleyrad ngak SOMOL: “Mu ted fare Kahol ko M’ag nib thothup ngalan fare Tempel ni toy Solomon ni Pilung nib mo’on ni fak David. Ya dab kum feked u bang ngabang, ya ngu’um pigpiggad ngak SOMOL ni Got romed nge ngak e tirok e girdi’ ni piyu Israel.

2 Kronicles 34:21

“Mmarod ngam fith’ed laniyan’ SOMOL ni fan ngog nge fapi girdi’ ni kayad bay u Israel ngu Judah. Ngam nanged mrang’agen e tin be yog e re ke babyor ney. Ke damumuw SOMOL ngodad ni bochan e da i fol e pi chitamngidad ko thin rok SOMOL ma darir rin’ed e tin ni be yog e re babyor ney nthingar nrin’.”

2 Kronicles 34:19

Nap’an ni rung’ag fare pilung e thin ko fare ke babyor, me guchthuy e mad rok nike kirban’

2 Kronicles 30:22

Me pining Hezekiah e sorok ngak epi Levite nga ferad salap i gagiyegnag rogon fare liyor ngak SOMOL. Nap’an ni m’ay fa medlip i rran ni ur pi’ed e maligach riy ni yibe pining e sorok ngak SOMOL ni Got rok e pi chitamngirad,

2 Kronicles 15:3

Ba n’uw nap’an ni i par yu Israel ndariy e bin riyul’ e Got rorad, mdariy e prist ni ngar filed ban’en ngorad, ma ku dariy ba motochiyel.

2 Kings 22:19

ma fa’an mu rung’ag rogon ni kug leamnag ni nggu gechignag yu Jerusalem, ma ga kolngan’um me sobutan’um u p’eowcheg, ma ga guchthuy e mad rom ma ga yor. Bay gu kirebnag yu Jerusalem nge yan i par nra yib e girdi’ miyad da’da’ ngay, me yan i aw nike tabanathin, ni fa’anra nge buchwa’athan be’ minog ni nge buch wa’athan fa’anem ni bod nike buch wa’athan yu Jerusalem. Machane kug rung’ag e meybil rom,

2 Kings 22:11

Ma faani rung’ag me guchthuy e mad rok nike rus.

Deuteronomy 26:14

Dawor gu fek boch riy gu way ko ngiyal’ ni gu be yornag be’ nike yim’, dawor gu fek boch riy nga wuru’ e naun rog ko ngiyal’ ni gomanga gub taay; ma dawor gu fek boch riy nggu pi’ ni fan ngak be’ nike yim’. Kug fol rom, i gur Got SOMOL rog; kug rin’ urngin e tin kamog u murung’agen ragag e pasent ko ggan nike yib ko woldug rog.

James 4:9

Me kireban’med, mi gimed dololoy’, mi gimed yor; mu thiliyeged e minmin romed ko meyor, mi gimed thiliyeg e felfelan’ romed ko taganan’!