Nehemiah 8:17 - Bible Ni Thothup

¹⁷ Urngin fapi girdi’ ni ur kalbusgad u Babylon nra sulod nga Jerusalem e ra ngongliyed nochi naun ngar pired ngalan. Irera’ e yay nsom’on ni ku ni ngongliy bayay e ren’ey ni ka nap’an Joshua nib mo’on ni fak Nun ke yib i mada’ ko ngiyal’nem. Ma urngin e girdi’ ni kar felfelan’gad.

Nehemiah 8:17 Referans Kwoze

2 Kronicles 8:13

I pi’ e pi maligach ni mo’oruf nrogon ni bay ko Motochiyel rok Moses ni fan ko yu rran nib thothup: pi Sabbath, nge pi Madnom ko M’ug e Pul, nge fa dalip i madnom ni gubin e duw — fare Madnom ko Flowa Ndariy e Is Riy, nge Madnom ko T’ar Wom’ngin e Woldug, nge fare Madnom ko Nochi Naun.

Ezra 3:4

Miyad madnomnag fare Madnom ko Nochi Naun ni bod ni bay ko motochiyel, mra reb e rran miyad pi’ e pi gamanman ni maligach ni bod nike yog e motochiyel.

Hebrews 11:13

Ma urngin e pi girdi’ ney nra m’ad nib mich Got u wun’rad; nde yag ngorad ko biney e tamilang e pin’en ni yog Got ni bayi pi’ ngorad, machane ra changargad ngam’on nib orel miyad guy e tin keyog Got ni bayi pi’ ngorad miyad felfelan’ ngay, mu ur daged ko ngongol rorad ni yad e girdi’ nu bang ma yad e milekag ni yad be par u roy u fayleng.

Hebrews 11:9

Mu daken e michan’ rok ngak Got e ir e yag riy ni nge yan i par ko fare nam ni yog Got ni bayi pi’ ngak, ni gowa be par u lan ba nam ni gathi nam rok. I par u lan e tent ni yad Isak nge Jakob, ni ki yag ngorow e tin ni yog Got ngak nra pi’ ngak.

Hebrews 4:8

Ya fa’an mang e fek Joshua fapi girdi’ ngar uned ngak Got ko toffan, ma dabki weliy Got nga tomuren murung’agen yugu reb e rran.

John 1:14

Re Thin nem e yib i ngal’ nib girdi’ nge yib i par ngodad. Kad guyed fel’ngin nge feni gol nge feni yul’yul’. Ireray fel’ngin ni pi’ e Chitamngin ngak, ya kari maagirag rok.

2 Kronicles 35:18

Dawor ku ni madnomnag fare Paluk’af ni bod e yaney ni kanap’an nib fos Samuel ni profet. Dariy bagyad e pi pilung ni kafram nike madnomnag reb e Paluk’af ni bod e biney ni madnomnag i Josiah ni Pilung, nge pi prist, nge pi Levite, nge pi girdi’ nu Judah, Israel, ngu Jerusalem

2 Kronicles 30:26

Fare binaw nu Jerusalem e ri sugnag e felfelan’, ya dariy ban’en ni aray rogon ni ka’an rin’ ni kanpan e pi rran rok Solomon ni Pilung, nib mo’on ni fak David.

1 Kronicles 29:22

Ere rofen nem e ri yad ba felfelan’ ni yad be abich ma yad be garbad u p’eowchen SOMOL. Ma aram e yay ni l’agruw yay ngay nra weliyed u fithik’ e girdi’ ni Solomon e pilung. U fithingan SOMOL e ra gapgep niged riy ni nge mang ir e gagiyeg nagrad me Zadok e nge mang prist.

Joshua 1:1

Nap’an ni yim’ Moses ni tapigpig rok SOMOL, me ga’ar SOMOL ngak Joshua, ni ir e i ayuweg Moses ko maruwel, me Nun e chitamngin,

Deuteronomy 16:15

Mathangeluwol naged SOMOL ni Got romed ko re mur ney ni ngam ted ni medlip e rran ko ta’gin’en ni tagil’ e liyor. Nge felfelan’med, ya SOMOL e ke fal’eg wa’athmed ko wom’ngin e woldug nge maruwel ni gimed be tay.