Nehemiah 6:16 - Bible Ni Thothup

¹⁶ Nap’an ni rung’ag e to’ogor romad nu lan e pi nam nib liyegmad nike m’ay fare maruwel, me m’ay e liyab rorad, ya go’ kan nang ni Got e ke ayuweg fare maruwel ke m’ay.

Nehemiah 6:16 Referans Kwoze

Joshua 5:1

Urngin e pilung rok e pi Amorite ni yad bay ko ngal ko lul’ ni Jordan nge urngin e pilung rok yu Kana’an ni yad bay u to’oben fa gi day ni Mediterranean fithingan e rrung’aged nike chuweg SOMOL e ran u lan e lul’ ni Jordan ko ngiyal’ ni ba’aram ni yib piyu Israel ra th’abed nga baraba’. Me yib e marus ngorad nge mulan’rad ni bochan piyu Israel.

Psalms 126:2

Ya u da garusgad, ma gadad be tangnag e felfelan’! Me yog yugu boch e nam murung’agdad ni lungurad, “I SOMOL e ke ayuwegrad, ma rogon nike rin’ e ka ni ngat ngay!”

Nehemiah 4:7

Ma faani rung’ag Sanballat nge Tobiah, nge girdi’ nu Arabia, nge yu Ammon, nge yu Ashdod nike yan e maruwel romad ni bfel’ rogon ma yu yang ndawori peth e yoror riy e yibe muruwliy ni nge peth, me ri gel e damumuw rorad.

Nehemiah 4:1

Fa’ani rung’ag Sanballat ni gamad e Jew e kug ubungyed fare yoror, me ri damumuw ngi i moning nagmad.

Nehemiah 2:10

Sanballat e be’ ko binaw nu Beth Horon, nge Tobiah, ni reb e ga’ ko nug nu Ammon, e fa’an rrung’agew nike yib be’ ni nge maruwel ni fan ngak yu Israel, mi yow dabuy.

Acts 5:38

Ere biney e chiney e nggog ngomed ni dab mu rin’ed ban’en nib togopluw ngak e pi cha’ney. Mpaged yad, ya fa’anra tin ni yad be leamnag nge tin yad be muruwliy e sum rok e girdi’, ma bayi m’ay;

Numbers 23:23

Dariy ba mmotokan ara bmit e pig, Nra yib angin ko nam nu Israel. Chiney e bayi yog e girdi’ murung’agen yu Israel ni bayi lungurad, ‘Mu sapgad ko tin nike rin’ Got!’

Exodus 14:25

I taleg e tayapyap ko chariot rorad ngi i mo’maw rogon e yan rorad, me ga’ar piyu Egypt, “Ngad milgad rok piyu Israel, ya be cham SOMOL ngodad ni pa’rad.”

Nehemiah 6:17

Aram n’umngin nap’an ma pi tayugang’ ko Jew yad ma fulweg taban e babyor nma pi’ Tobiah.

Jeremiah 33:9

Jerusalem e bayi par ni tagil’ e felfelan’ nge liyor, ni gub uf ngay; ma gubin e nam u fayleng e bay rrusgad ngu’ur durru’gad ko marus ko ngiyal’ ni yad ra rung’ag murung’agen e pin’en nib manigil ni ku gu rin’ ngak e girdi’ nu Jerusalem nge murung’agen e fla’ab ni ku gu pi’ ko fare binaw.”

Joshua 2:9

me ga’ar ngorow, “Gu manang ni SOMOL e ke pi’ ngomed e re nam ney, ma nggog ngomew ni gamad gubin e re nam ney ni kug rusgad ngomed.

Joshua 2:11

Nap’an ni gu rung’aged magmad rus; ra be’ ma ke mulan’ ni bochmed. I SOMOL ni Got romed e ir e Got nu tharmiy ngu roy u but’.

Psalms 109:27

Mu gagiyegnag e pi to’ogor rog ngar nanged ni gur e cha’ ni ga be ayuwegneg.

Psalms 129:5

Mang e yigi urngin e pi’in yad be fananikay yu Zion e ra waergad min tulufrad.

Psalms 147:2

I SOMOL e be fal’eg rogon yu Jerusalem ni nge sulweg nga rogon; be fulweg e girdi’ ni ur kalbusgad u bang.